Մենք ֆինանսական ռեսուրսներ չունենք, բայց աշխարհում կորոնավիրուսի աշխտորոշման թեստեր անցկացնելու միջոցները քիչ են եւ արդյունքում դեֆիցիտ է առաջանում: Այս մասին հունիսի 12-ին ՀՀ Ազգային ժողովի արտահերթ նիստին, պատասխանելով պատգամավորների հարցերին, հայտարարեց ՀՀ վարչապետ Նիկոլ Փաշինյանը: Վարչապետի խոսքով՝ պետք է հերթ կանգնել այդ միջոցների համար:
«Այնուամենայնիվ, մեզ մոտ ամեն օր ասում են, որ թեստավորման մասշտաբները պետք է ընդլայնել: Հարավային Կորեան 21.000 թեստ է անցկացրել 1 միլիոն մարդու հաշվով, Ուկրաինայում՝ 10.000 թեստ, իսկ մեզ մոտ՝ 25000 թեստ: Այսինքն, մենք ավելի շատ թեստ ենք անցկացրել 1 միլիոն մարդու հաշվով, քան այլ երկրներում: Ամեն օր մեզ ասում են, որ որքան շատ թեստեր մենք անցկացնենք, այնքան ավելի լավ: Այժմ մենք անում ենք հնարավոր ամեն ինչ՝ այս խնդիրն առավելագույնս լուծելու նպատակով մեր կարողությունները եւ պոտենցիալը հնարավորինս զարգացնելու համար», - ասաց վարչապետը:
