Ամստերդամի բնակիչները խնդրում են իշխանություններին սահմանափակել զբոսաշրջիկների այցելությունները: Ամստերդամի քաղաքային խորհրդին ուղղված կոչով խնդրագիրն արդեն ավելի քան 18 հազար մարդ է ստորագրել:
Դրանում առաջարկվում է առաջիկա հինգ տարվա ընթացքում լիմիտ սահմանել տուրիստական կացության համար, արգելել նոր հյուրանոցների ստեղծումը եւ վարձակալությամբ տները, ինչպես նաեւ բարձրացնել տուրիստական հարկերը, հայտնում է «ՌԻԱ Նովոստի»-ն՝ վկայակոչելով DutchNews.nl-ն: Եթե միջնորդագիրը 27 հազար ստորագրություն հավաքի, դա բավարար կլինի՝ քաղաքային խորհրդին հանրաքվե անցկացնել ստիպելու համար:
Զբոսաշրջիկները սկսել են աստիճանաբար վերադառնալ Նիդեռլանդներ: Կառավարությունն արդեն հայտարարել է, որ հյուրեր է սպասում եվրոպական շատ երկրներից, բացի Մեծ Բրիտանիայից եւ Շվեդիայից: ԵՄ-ից սահմաններից դուրս հյուրերը դեռ չեն կարողանում այցելել երկիր: