Tesla-ի ավտոմեքենաներն ամենաանորակն են ստուգված 32 մակնիշների շարքում: Այսպիսի եզրակացության են հանգել J.D. Power վերլուծական գործակալության փորձագետները, որոնց զեկույցը հրապարակվել է կազմակերպության կայքում, փոխանցում է Lenta-ն:
Հետազոտությունը բնութագրում է թերությունների եւ անսարքությունների քանակությունը, որոնք օգտագործման առաջին 90 օրերին գտել են ամերիկացի գնորդները: Իլոն Մասկի ընկերության էլեկտրամոբիլն առաջին անգամ է մասնակցել այս վարկանիշին:
Ըստ բոլոր մոդելների՝ միջին ցուցանիշն է 100 ավտոմեքենային բաժին ընկնող 166 թերությունը, բայց Tesla-ի համար այն կազմում է 250 թերություն: Ընկերությունը զգալիորեն հետ է մնացել անգամ հետնապահներից՝ Land Rover-ից, Audi-ից եւ Volvo-ից, համապատասխանաբար՝ 228, 225 եւ 210 խախտումներով:
Վարկանիշի առաջատարներն են ամերիկյան Dodge եւ կորեական Kia Motors-ը. գտնվել է 136 թերություն: Հաջորդում են Chevrolet-ը եւ Ram (141 թերություն): Միջինից լավ են Genesis-ի, Mitsubishi-ի, Buick-ի, GMC-ի, Volkswagen-ի, Hyundai-ի, Jeep-ի, Lexus-ի, Nissan-ի եւ Cadillac-ի գործերը:
Զեկույցում միաժամանակ նշվում է, որ Tesla-ին ներկայացվող պահանջների մեծ մասը կոսմետիկ բնույթ է կրել (գույնը, ճռռոցը, վատ հարմարեցված տարրերը) եւ անվտանգությանը չի սպառնացել: Էկետրամոբիլի տեխնիկական մասին պահանջներ գրեթե չեն առաջացել:
Եվս մի նրբություն է այն, որ հաճախորդների հարցումն արգելված էր 15 նահանգներում: Ուստի վերլուծաբանները Tesla-ի արդյունքը պաշտոնական չեն համարում: Հարցմանը ընդհանուր մասնակցել է էլեկտրամոբիլի 1250 սեփականատեր, նրանցից շատերն ունեին բյուջետային Model 3: