News
Լրահոս
News
Ուրբաթ
Օգոստոս 19
USD
405.15
EUR
407.5
RUB
6.87
Տեսնել լրահոսը

Չինաստանի իշխանությունները պահանջել են, որ ԱՄՆ չորս լրատվական գործակալությունները յոթ օրվա ընթացքում տեղեկատվություն տարածեն իրենց աշխատողների եւ երկրում ֆինանսական գործարքների մասին, հայտնում է AFP-ը:

Associated Press-ը, United Press International-ը, CBS-ը եւ NPR-ը պարտավոր են տրամադրել այդ տեղեկատվությունը, ինչպես նաեւ Չինաստանում իրենց անշարժ գույքի մանրամասները՝ ի պատասխան Վաշինգտոնի կողմից Չինաստանի պետական ԶԼՄ-ների հետապնդման, հայտարարել է ՉԺՀ արտգործնախարարության ներկայացուցիչ Չժաո Լիցզյանը:

«Չինաստանի գործողությունները «բացարձակ անհրաժեշտ հակամիջոցներ են ԱՄՆ-ում Վաշինգտոնի կողմից չինական լրատվամիջոցների անհիմն ճնշումների դեմ»,- ասել է նա:

Հունիսի 22-ին ԱՄՆ Պետդեպարտամենտը վերադասակարգել է չինական պետական չորս ԶԼՄ-ները որպես ԱՄՆ-ում օտարերկրյա ներկայացուցչություններ՝ դրանք ավելացնելով չինական հինգ այլ ԶԼՄ-ներին:

«Բոլոր ինը լրատվամիջոցները «արդյունավետորեն վերահսկվում են ՉԺՀ կառավարության կողմից»,- հունիսին հայտարարել է Պետդեպարտամենտի մամուլի քարտուղար Մորգան Օրտագուսը:

Այն բանից հետո, երբ ԶԼՄ-ների առաջին խմբին հրամայվեց կրճատել ԱՄՆ-ում աշխատող իրենց չինացի աշխատակիցներին, Պեկինը պատասխան հարված տվեց՝ վտարելով ամերիկյան ավելի քան տասնյակ քաղաքացիների, որոնք աշխատում էին The New York Times-ում, Wall Street Journal-ում եւ The Washington Post-ում:

Չժաո Լիցզյանը հայտարարել է, որ չինական ԶԼՄ-ների նկատմամբ ԱՄՆ-ի սահմանափակումները «բացահայտում են ԱՄՆ-ի կողմից գովազդվող, այսպես կոչված, մամուլի ազատության երեսպաշտությունը»:

Նա նշել է, որ Չինաստանը կոչ է անում Միացյալ Նահանգներին «ուղղել իր սխալները եւ վերջ տալ քաղաքական ճնշումներին ու չինական ԶԼՄ-ների հանդեպ անհիմն սահմանափակումներին»:

Անցյալ ամիս ԱՄՆ պետքարտուղար Մայք Պոմպեոն Հավայան կղզիներում հանդիպել է Չինաստանի բարձրաստիճան պաշտոնյա Յան Ցզեչիի հետ, ինչը գրեթե չի ազդել երկկողմ լարվածության աճի վրա:

!
Այս նյութը հասանելի է նաև   Русский
Տպել
Ֆոտոռեպորտաժներ