News
Լրահոս
News
Կիրակի
Օգոստոս 09
USD
485
EUR
573.17
RUB
6.58
ME-USD
0.01
Տեսնել լրահոսը


Այդքան էլ հասկանալի չէ այս նախագծերի հրատապությունը: Այս մասին այսօր՝ հուլիսի 8-ին, Ազգային ժողովի արտահերթ նիստին հայտարարեց «Լուսավոր Հայաստան» խմբակցության քարտուղար Գեւորգ Գորգիսյանը՝ դիմելով օրակարգային հարցերը զեկուցող «Իմ քայլը» խմբակցության պատգամավոր Սիսակ Գաբրիելյանին:

«Ձեր խմբագրության մի մասը, գիտենք, որ վարակակիր է կորոնավիրուսով, մյուս մասը կոնտակտովոր է ու այդպես էլ ոնց որ 14 օր չեն ինքնամեկուսացել՝ ըստ պարետի որոշման: Հիմա բոլորով հավաքել ենք այստեղ` քննարկելու նախագծեր, որոնց հրատապությունը այդքան էլ հասկանալի չէ: Ինչո՞վ է պայմանավորված այս արտահերթի նախաձեռնությունն ընդհանրապես, որովհետեւ նախագծերի առնվազն 90 տոկոսը կարելի էր սեպտեմբերին նորմալ քննարկել՝ վստահ լինելով, որ այլեւս չունենք վարակակիր կամ նրանք մեկուսացած են»,-ասաց Գեւորգ Գորգիսյանը:

Սիսակ Գաբրիելյանը չհամաձայնեց, որ օրակարգի հարցերը հրատապ չեն, եւ նշեց, որ ԱԺ-ն արձակուրդ չի գնացել, եւ խնդիր չի տեսնում պատգամավորներին եւս մեկ օր ԱԺ հրավիրելու՝ արտահերթ նիստին մասնակցելու համար:

«Եթե դուք տեղեկություն ունեք, որ որեւէ մեկն այստեղ նստած է եւ պարետի որոշմամբ պետք է ինքնամեկուսացվեր եւ ինքնամեկուսացված չէ, կխնդրեմ բարձրաձայնել, գուցե դրանից հետո ԱԺ նախագահը այլ քայլեր ձեռնարկի»,-ասաց նա:

Գեւորգ Գորգիսյանը նշեց, որ առնվազն տեսնում է պատգամավորների, որոնց մասին հայտարարվել էր, որ կորոնավիրուսով վարակված են, եւ 14 օրը չի լրացել, նաեւ կոնտակտավորներ են ներկա: «Այսինքն` նրանք, ովքեր շփվել էին այդ մարդու հետ, պետք է 14 օր մեկուսանային, իսկ դա, կարծում եմ, ձեր ամբողջ խմբակցությունն է, որ պետք է ինքնամեկուսանար, որ չի արել»,-ասաց նա եւ նշեց, որ գուցե միայն հրատապ հարցերը ներառվեին ԱԺ արտահերթ նիստին օրակարգում:

«Այստեղ մեծ փաթեթներ կան, որոնք ոչ միայն 24-ժամյա ռեժիմի հետ խնդիր ունեն, այլեւ ընդհանրապես ավելի լայն քննարկման կարիք ունեն»,-ընդգծեց Գորգիսյանը:

Սիսակ Գաբրիելյանը նկատեց, որ ներկայացված նախագծերից մեկի հեղինակը «Լուսավոր Հայաստան» խմբակցությունից է, եւ նրան պետք է ասվեր, որ հրատապ չէ հարցը, ինչի՞ եք բերել:

ԱԺ նախագահ Արարատ Միրզոյանը միջամտեց եւ նշեց, որ բոլոր այն պատգամավորները, որոնք ցուցում ունեն մեկուսանալու, մեկուսացված են, որոնք ցուցում ունեն ինքնամեկուսանալու՝ ինքնամեկուսացած են: «Այն պատգամավորները, որոնք նախկինում, օրինակ` տիկին Պողոսյանը, եղել են կորոնավիրուսով հիվանդ, կոնկրետ նրա դեպքում 16 օրն է լրացել եւ բացասական թեստի պատասխանով կազդուրված է, ինչի առթիվ բոլորիս շնորհավորում եմ»,-ասաց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խախտվել է զանգվածային միջոցառումների արգելքի մասին դրույթը.ՍԱՏՄ
Թեև ակնառու է, որ պարետի սահմանած սանիտարահիգիենիկ կանոնների պահպանման հարցում տնտեսավարողներն…
Ջերմուկում արձանագրվել են դիմակ չկրելու դեպքեր
Առողջարանային համալիրների տարածքներում դիմակ չկրող անձիք…
Արտասահմանյան բուհեր ընդունված ուսանողները չեն կարողանում մեկնել ուսման. Էդմոն Մարուքյան
Մեծ քանակությամբ ուսանողներ են դիմում մեզ և բարձրաձայնում արտակարգ դրության ռեժիմի և համավարակի դեմ պայքարի ոչ…
Հայաստանում կորոնավիրուսից մահացած 59-ամյա տղամարդը չի ունեցել որեւէ քրոնիկական հիվանդություն
Մահվան դեպքերի վերաբերյալ հայտնում ենք, որ պացիենտները եղել են 54 (կին), 80 (կին), 70 (տղամարդ), 68…
ԱՄՆ-ում անցած օրվա ընթացքում գրանցվել է կորոնավիրուսով վարակման ավելի քան 58 հազար դեպք
Համավարակի սկզբից ի վեր ԱՄՆ-ում հայտնաբերվել է կորոնավիրուսով վարակման 4.942.746 դեպք...
Կորոնավիրուսի դեմ ղազախական պատվաստանյութի մշակողները փորձարկել են այն իրենք իրենց վրա
Գիտնականներն իրենց լավ են զգում եւ շարունակում են աշխատել...