News
Լրահոս
News
Երեքշաբթի
Սեպտեմբեր 22
USD
485.26
EUR
574.98
RUB
6.46
ME-USD
0.01
Տեսնել լրահոսը

Բեռլինն ափսոսում է Ստամբուլում Սուրբ Սոֆիայի  տաճարը թանգարանի կարգավիճակից զրկելու որոշման համար, ճեպազրույցում հայտարարել է  գերմանիայի կառավարության պաշտոնական ներկայացուցիչ Շտեֆեն Զայբերտը, փոխանցում է «ՌԻԱ Նովոստի»-ն: 

«Դաշնային կառավարությունը, ինչպես այդ մասին հանգստյան օրերին հայտարարել են նաեւ երկրի ԱԳՆ-ից, ափսոսանքով ի գիտություն է ընդունել Թուրքիայի ուրբաթ ընդունած որոշումը: Այա Սոֆիան մեծ պատմամշակութային նշանակություն ունի, այն կրոնական մեծ նշանակությունհ ունի ինչպես քրիստոնեության, այնպես էլ իսլամի համար»,- հայտարարել է Զայբերտը:

Նա հավելել է, որ «հիմա տաճարի օգտագործման համար պետք է սպասել հետագա կարգավորումներին»:

Թուրքիայի պետխորհուրդը, որը երկրի բարձրագույն վարչական դատարանն է, ուրբաթ անվավեր է ճանաչել 1934 թվականի որոշումը Սուրբ Սոֆիայի տաճարը թանգարանի վերածելու մասին: Դրանից անմիջապես հետո Թուրքիայի նախագահ Թայիփ Էրդողանը հայտնել է, որ ստորագրել է տաճարը մզկիթի վերածելու եւ այնտեղ մուսուլմանական ժամերգություններ սկսելու մասին հրամանը:

ՅՈՒՆԵՍԿՕ-ի գլխավոր տնօրեն Օդրի Ազուլեն ավելի վաղ հայտարարել էր, որ խորապես ափսոսում է Ստամբուլում Սուրբ Սոֆիայի  տաճարի կարգավիճակը փոխելու Թուրքիայի որոշման համար, որն ընդունվել է «առանց նախնական երկխոսության»:

Սուրբ Սոֆիայի տաճարը (Այա Սոֆիա) հիմնադրել է քրիստոնյա կայսր Հուստինիանոսը եւ բացվել է 537 թվականի դեկտեմբերի 27-ին: Ավելի քան հազար տարի տաճարը եղել է քրիստոնեական աշխարհի ամենամեծ տաճարը: Օսմանցիների կողմից Կոստանդնուպոլսի գրավումից եւ 1453 թվականին Բյուզանդական կայսրության անկումից հետո տաճարը վերափոխվել էր մզկիթի, բայց 1934 թվականից ժամանակակից թուրքական պետության հիմնադիր Քեմալ Աթաթուրքի դեկրետով այն դարձել է թանգարան եւ մտել է ՅՈՒՆԵՍԿՕ-ի Համաշխարհային ժառանգության ցանկի մեջ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄԷ միակ երկիրն է, որը քննադատել է Այա Սոֆիան» մզկիթի վերածելու վերաբերյալ Թուրքիայի որոշումը. Ահլամ ալ Սալամի
Նախ և առաջ կցանկանայի նշել, որ ԱՄԷ-ն դարձել է ՅՈՒՆԵՍԿՕ-ի անդամ դեռևս 1971թ․ Էմիրությունների միավորումից 4 ամիս անց և այսօր էլ ՅՈՒՆԵՍԿՕ-ի Գործադիր խորհրդի անդամ...
Politico. Թուրքիայի քրիստոնյաների համար Սուրբ Սոֆիայի տաճարի հարցով որոշումը եւս մեկ հարված դարձավ
Սուրբ Սոֆիայում գրեթե 90 տարվա մեջ առաջին անգամ Կուրբան բայրամի պատվին նամազ է կատարվել
Նշվում է, որ նախկին քրիստոնեական տաճարում հավաքվել են իսլամի հազարավոր հետեւորդներ...
Էրդողանը Սուրբ Սոֆիայում նամազին Ղուրանից հատուկ հատվածներ է կարդացել (ֆոտո)
Այս հատվածները կարդալը հատուկ է ընտրվել, քանի որ Ֆաթիհա սուրայի հենց ֆաթիհա բառը նշանակում է «նվաճել», իսկ սուրայում Ղուրանի սկիզբն է իր հիմնական սկզբունքներով...
Էրդողանը միացել է հազարավոր աղոթողներին Սուրբ Սոֆիայի տաճարում
Էրդողանը եւ նրա նախարարները պիտակ դիմակներով ծնկի են եկել կապույթ գորգերի վրա նախքան արարողության սկսվելը․․․
Սուրբ Սոֆիայի տաճարի խորհուրդը․ Էրդողանը փուլ առ փուլ ի չիք է դարձնում Աթաթուրքի ռեֆորմները. Ստեփան Դանիելյան
Կան բազմաթիվ եկեղեցիներ, որոնք Թուրքիայում, եւ ոչ միայն Թուրքիայում, մզկիթների են վերածվել, նաեւ կան մզկիթներ, որոնք, հակառակը, եկեղեցիների են վերածվել, մասնավորապես՝ Իսպանիայում...