Հավաքական անվտանգության պայմանագրի կազմակերպության (ՀԱՊԿ) Մշտական խորհրդի արտահերթ նիստը, որը պետք է կայանար կազմակերպության գլխավոր քարտուղար Ստանիսլավ Զասի նախաձեռնությամբ, անորոշ ժամանակով հետաձգվել է։ Այս մասին «Ազատություն» ռադիոկայանին հայտնեց ՀԱՊԿ մամուլի քարտուղար Վլադիմիր Զայնետդինովը։
Նրա խոսքով՝ նիստը հետաձգվել է կողմերի միջեւ խորհրդակցություններ անցկացնելու պատճառով, պետք է հստակեցվի նաեւ, թե քննարկումն ինչ ձեւաչափով է կայանալու: Զայնետդինովը հրաժարվել է ասել, թե ում նախաձեռնությամբ է նիստը հետաձգվել:
Մինչդեռ ՀԱՊԿ կայքում առավոտյան տեղեկություն էր հրապարակվել արտահերթ նիստ հրավիրելու մասին: Երկու ժամ հետո հաղորդագրությունը հեռացվել էր, այդ մասին լրատվամիջոցներին պաշտոնապես ոչ մի բան չի հաղորդվում:
