Կորոնավիրուսով 300 պացիենտ ծանր վիճակում է, 68-ը գտնվում են ծայրահեղ ծանր վիճակում, 24 մարդ միացված էթոքերի օդափոխման սարքերին: Այս մասին օգոստոսի 5-ին պարետատան գրասենյակի նիստից հետո տեղի ունեցած ճեպազրույցում հայտարարեց առողջապահության նախարար Արսեն Թորոսյանը:
Նրա խոսքերով՝ կա իրական հնարավորություն վարակի դեպքերը նվազեցնել այնքան, որպեսզի կորոնավիրուսն այլեւս խնդիր չլինի երկրի առողջապահական համակարգի համար:
«Կորոնավիրուսով հիվանդների բուժմամբ զբաղվող բուժհիմնարկների քանակը 20-ից նվազել է 15-ի: Մեր բոլոր ջանքերն արդյունք են տալիս, քանի որ համաճարակաբանական իրավիճակը կայունանում է»,- ընդգծեց նախարարը:
