Կորոնավիրուսի դեմ արդյունավետ պատվաստանյութը կարող է շուկայում անկայունություն, պարտատոմսերի վաճառք եւ տեխնոլոգիական բաժնետոմսերից միջոցների արտահոսք առաջացնել ցիկլային բաժնետոմսերի մեջ: Այս մասին նախազգուշացնում են Goldman Sachs բանկի վերլուծաբանները:
Շուկան թերագնահատում է նոյեմբերին պատվաստանյութի հաջող փորձարկումների հնարավորությունը, նախազգուշացնում է բանկն իր զեկույցում: Goldman Sachs-ի փորձագետներն աճի հիմնական շարժիչներ են անվանել սպասվող նախագահական ընտրությունները եւ վիրուսի տարածումը Միացյալ Նահանգներում, հայտնում է ՌԲԿ-ն:
Բանկում կարծում են, որ պատվաստանյութը կարող է նպաստել եկամտի ավելի կտրուկ կորով ընկերություններին եւ վտանգի տակ դնել տեխնոլոգիական ոլորտի ընկերությունների առաջատարությունը:
Եթե հաջող փորձարկումները համընկնեն Սպիտակ տանը վարչակազմի փոփոխության հետ, ապա զարգացող շուկայի բաժնետոմսերը կշահեն, կանխատեսում է Goldman Sachs-ը` հավելելով, որ դա հնարավոր է միայն միջազգային առեւտրին սպառնացող ռիսկերի իջեցման եւ ԱՄՆ հարկային ռիսկերի ավելացման դեպքում:
Goldman Sachs-ի վերլուծաբանները նման զարգացման դեպքում ներդրողներին խորհուրդ են տալիս ներդրումներ կատարել օպցիոնների մեջ: Եթե պատվաստանյութը հասանելի դառնա 2020 թվականի երկրորդ կեսին, բանկը կանխատեսում է, որ S&P 500-ի ինդեքսը կբարձրանա մինչեւ 3.700 կետ:
Սակայն բանկում հավելել են, որ կորոնավիրուսի երկրորդ ալիքի ուժեղացման դեպքում S&P 500-ը կարող է ընկնել մինչեւ 2200 կետ:
