Իսրայելը սկսել է 18 կարատ սպիտակ ոսկուց պատրաստված բժշկական դիմակի մշակումը: Այն ծածկված կլինի 3600 սեւ եւ սպիտակ ադամանդներով: Այս մասին հայտնում է Haaretz պարբերականը` վկայակոչելով ոսկեգործական ընկերության դիզայներ եւ սեփականատեր Իսահակ Լեվիին:
Նշվում է, որ դիմակը կարող է մինչեւ 1.5 միլիոն դոլար արժենալ: Այն հագեցած կլինի բարձրագույն որակի N99 ֆիլտրերով, հայտնում է «Գազետա»-ն:
Զարդ դիմակը պատվիրել է ԱՄՆ-ում բնակվող մի չինացի գործարար: Նա պահանջել է, որպեսզի գլուխգործոցը պատրաստ լինի մինչեւ 2020 թվականի վերջը:
Բացի այդ, դիմակը պետք է դառնա աշխարհի ամենաթանկ նման իրը: