Եվրահանձնաժողովը 336 միլիոն եվրո կանխավճար է մուծել բրիտանական AstraZeneca ընկերությանը՝ COVID-19-ի դեմ նրա պոտենցիալ պատվաստանյութի 300 միլիոն չափաբաժնի դիմաց, հայտնում է Reuters-ը:
Գործարքը ներառում է մշակման, պատասխանատվության եւ այլ ծախսերը, որը կատարում է պատվաստանյութի արտադրողը: ԵՄ-ն նաեւ հնարավորություն է ստացել գնել մշակման փուլում գտնվող պատվաստանյութի 100 միլիոն լրացուցիչ չափաբաժին:
ԵՄ 27 երկրները կարող են այն գնել ավելի ուշ փուլում, եթե պատվաստանյութը հաջողված լինի: Ընդհանուր գումարը, որը նրանք կվճարեն չափաբաժիններ գնելու համար, չի բացահայտվել, բայց հունիսին AstraZeneca-ի հետ Գերմանիայի, Ֆրանսիայի, Իտալիայի եւ Նիդեռլանդների, ԵՄ բոլոր անդամների նախորդ գործարքի համաձայն, AstraZeneca-ը 300 միլիոն չափաբաժինը համաձայնել է վաճառել 750 միլիոն եվրոյով:
«Այս փուլում մենք չենք կարող նշել մեկ չափաբաժնի որոշակի գինը: Այնուամենայնիվ, ընդհանուր ծախսերի զգալի մասը ֆինանսավորվում է ESI-ի կողմից պատվաստանյութերի ընդհանուր ֆինանսավորման համար ունեցած ներդրումից»,- ասել է Եվրահանձնաժողովի մի պաշտոնյա՝ նկատի ունենալով ԵՄ, այսպես կոչված, շտապ օգնության գործիքի միջոցով հատկացված 336 միլիոն եվրո գումարը:
Սա COVID-19-ի դեմ պոտենցիալ պատվաստանյութ արտադրողի հետ ԵՄ-ի կողմից կնքված առաջին պայմանագիրն է: Ավելի վաղ հաղորդվել էր, որ Բրյուսելը նախնական բանակցություններ է վարում Johnson & Johnson-ի, Sanofi-ի, Moderna-ի եւ CureVac-ի հետ:
