![](img/news/60/23/37/default.jpg)
Կուպերտինոյում ամերիկյան Apple-ի գլխավոր գրասենյակում անցկացվում է ընկերության նորույթների ամենամյա շնորհանդեսը, որն այս տարի տեղի է ունենում առցանց՝ առանց դահլիճում հանդիսատեսի:
Շնորհանդեսի սկզբում Apple-ի գործադիր տնօրեն Թիմ Կուկը հայտարարել է, որ միջոցառման ժամանակ ինքը կենտրոնանա երկու արտադրանքի՝ Apple Watch-ի եւ iPad-ի վրա: Նա նշել է, որ երկար ժամանակ ժամացույցները ծառայել են միայն ժամանակը ցույց տալու համար, մինչդեռ այժմ դրանք «փոխվում են եւ նույնիսկ փրկում են օգտատերերի կյանքերը», հաղորդում է РБК-ն:
Առաջին հերթին, գլխավոր օպերատիվ տնօրեն Ջեֆ Ուիլյամսը ներկայացրել է Apple Watch Series 6-ը: Նա հայտարարել է, որ արտադրանքը հագեցած կլինի արյան մեջ թթվածնի մակարդակին հետեւող հաղորդիչով: Նրա խոսքերով՝ սարքը այս ցուցանիշը որոշում է արյան գույնով, ախտորոշման համար պահանջվում է ընդամենը 15 վայրկյան: Ուիլյամսն ասել է, որ Apple Watch Series 6-ը կաշխատի iPhone 11-ում օգտագործված, բայց Apple Watch-ի համար հարմարեցված A13 պրոցեսորով:
Բազային տարբերակով ժամացույցը կարժենա 400 դոլար:
Նշենք, որ 2012 թվականից առաջին անգամ աշնանային շնորհանդեսին չի ներկայացվել iPhone-ի նոր շարք: