Դաշնային խորհուրդը կապ է պահպանում ե՛ւ Ադրբեջանի, ե՛ւ Հայաստանի խորհրդարանների հետ, պատրաստ է միանալ Լեռնային Ղարաբաղում իրավիճակի կարգավորման գործընթացին խորհրդարանական գծով, սակայն նախ այդ գործում պետք է ներգրավվեն դիվանագետները, ՌԻԱ Նովոստի-ին հայտարարել է Դաշնային Խորհրդի հանձնաժողովի փոխնախագահ Վլադիմիր Ջաբարովը:
«Դաշնային խորհուրդն անհրաժեշտության դեպքում պատրաստ է ջանքեր գործադրել կարգավորման հարցում խորհրդարանական գծով, մենք ունենք կապեր ինչպես Ադրբեջանի, այնպես էլ Հայաստանի խորհրդարանի հետ: Սակայն առաջին խոսքը պատկանում է դիվանագետներին, եւ նրանք արդեն աշխատում են կարգավորման ուղղությամբ»,-ասել է Ջաբարովը:
Նրա խոսքով՝ այժմ ամենակարեւորը հակամարտության էսկալացիան թույլ չտալն է: «Հակառակ դեպքում անխուսափելիորեն հակամարտության էսկալացիան կներքաշի այլ երկրներին, ինչն անթույլատրելի է»,-ընդգծել է սենատորը: