2020 թվականի գրականության բնագավառում Նոբելյան մրցանակի դափնեկիր է դարձել Լուիզ Գլյուկը, հաղորդում է ՏԱՍՍ-ը:
Նոբելյան կոմիտեն նշում է, որ մրցանակը շնորհվել է բանաստեղծուհուն իր «պոետիկ ձայնի, անհատականը համընդհանուրի վերածելու, իր կոշտ գեղեցկության» համար:
«Նա ժամանակակից ամերիկյան գրականության ամենահայտնի քնարերգուներից մեկն է»,- հայտնել է կոմիտեի ղեկավար Անդերս Ուլսոնը՝ հավելելով, որ նրա պոեզիայում կա հումոր եւ սրամտություն:
Շվեդական ակադեմիայի մշտական քարտուղար Մաթս Մալմը խոսել է Գլյուկի հետ եւ հայտնել նրան նորությունը: «Նա զարմացած էր եւ երջանիկ»,- պատմել է նա:
Մրցանակը կշնորհվի դեկտեմբերի 10-ին՝ Նոբելի մահվան օրը:
