News
Լրահոս
News
Երեքշաբթի
Մարտ 19
Տեսնել լրահոսը

Մի խումբ քաղաքացիներ հավաքվել են Գերմանիայի դեսպանատան դիմաց՝ պահանջելով ճանաչել Արցախի անկախությունը և կանգնեցնել Թուրքիայի և Ադրբեջանի ահաբեկչական գործողություններն Արցախում։

Խաղաղ ակցիա իրականացնող քաղաքացիներից մեկը հանդիպեց Գերմանիայի դեսպան Միխայել Յոհաննես Բանցհաֆի հետ։

Հանդիպումից հետո լրագրողների հետ զրույցում նա ասաց՝ դեսպանը հայտնել է, որ տեղյակ են կատարվածի մասին, մտահոգված են, կկատարեն նաեւ գործնական քայլեր։

«Երբ նստում խոսում ես, մարդկայնորեն իսկապես մտահոգությունը մեծ է: Ներողություն խնդրեց, որ չի կարող իջնել եւ ներքեւում հանդիպել: Նաեւ ասաց, որ ըմբռնումով է մոտենում, որ նման ձեւաչափով ենք իրեն դիմում: Դեսպանը հաստատեց, որ իրենք շատ տեղյակ են ամեն ինչին, ծանոթ են տեսանյութերին, լուսնկարներին եւ մեծ ցավով են անդրադառնում այդ հարցին: Դեսպանն ասաց, որ այս ձեւաչափով անհնար է կազմակերպել պաշտոնատար անձանց այցելությունն Արցախ: Նա ասաց, որ այս ամենի մասին հենց այսօր տեղյակ կպահեմ մեր երկրի ղեկավարությանը, եւ մենք կփորձենք այնպիսի մի բանաձեւ մշակել, այնպիսի գործընթաց իրականացնել, որ կլինի ի նպաստ հրադադարին:

Ես հարց տվեցի, թե ինչպես եք վերաբերվում Հունաստանի կողմից ներկայացված նախագծին՝ Թուրքիայի նկատմամբ պատժամիջոցներ կիրառելու հետ կապված,  ինչու է գերմանիան դեմ քվեարկել այդ նախագծին, պատասխանեց, որ պատժամիջոցներ ասվածը լայն հասկացություն է եւ ես հիմա իրավասու չեմ մանրամասներ դրա հետ կապված: Ասաց, որ դա եւս քննարկվում է»,-ասաց դեսպանի հետ հանդիպած քաղաքացին:

Նա բարձրացրել է նաեւ Արցախը ճանաչելու հարցը. «Դեսպանն ասաց՝ դա եւս մենք քննարկում ենք եւ ԵԱՀԿ Մինսկի խմբի համանախագահների աշխատանքն այդ ուղղությամբ շատ մեծ է: Ասաց՝ մենք մեր իրավասության սահմաններում ամեն ինչ կանենք, որ եւ տարածաշրջանի, եւ հայ ժողովրդի համար լինի շատ ավելի լավ»:

Դեսպանի արձագանքը քաղաքացիներին չբավարարեց։ «Մեզ անընդհատ ասում են՝ մենք տեղյակ ենք, մենք տեղյակ ենք: Մենք գիտենք, որ դուք տեղյակ եք, դու 2016-ի ապրիլյան պատերազմից էլ էիք քաջ տեղյակ, բայց որեւէ տնտեսական կամ ռազմական պատժամիջոց Ադրբեջանի կամ Թուրքիայի նկատմամբ չեք իրականացրել»,-ասաց ակցիայի մասնակիցներից մեկը:

«Ամոթ» վանկարկումներով նրանք եզրափակեցին ակցիան ՀՀ-ում  Գերմանիայի դեսպանատան մոտ և այժմ քայլերթով շարժվում են դեպի Իտալիայի դեսպանատուն։

Հավելենք, որ ակցիայի մասնակիցներին սատարում էին նաև բազմաթիվ վարորդներ, ովքեր ի աջակցություն նրանց պահանջների՝ մեքենայի ձայնային ազդանշաններ էին հնչեցնում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիան 2020-ի Ադրբեջանի ագրեսիան անվանել է «հնարավորություն» խաղաղության և կայունության համար
Նրա խոսքով, կողմերը պայմանավորվել են խորացնել Թուրքիայի հաջող համագործակցությունը Ադրբեջանի և...
Երևանի և Բաքվի միջև միմյանց դեմ միջազգային դատական ​​հայցերը հետ կանչելու համաձայնություն չկա. Միրզոյան
Քննարկվում են տարբեր տարբերակներ...
Դպրոցներ կային՝ մեզ ագրեսիվ դիմավորեցին, մի տեղ ասացին՝ կարող ա դուք մուսուլման եք. զոհվածի հայր
Մենք 7 հոգանոց տարբեր խմբեր էինք կազմել, որպեսզի այցելենք դպրոցներ, սակայն…
Այս պահի դրությամբ 23 մարդ դեռեւս պահվում է անազատության մեջ Բաքվում. Արարատ Միրզոյան
2023 թվականի հենց առաջին օրից մենք արդեն ունենինք շատ կոնկրետ իրավիճակ՝...
«Փաշինյանը 2018–ին խոստացել էր վերադարձնել տարածքները».Ալիև
«Բայց, ցավոք, 2019-ին Հայաստանի նոր ղեկավարությունը բացարձակապես անընդունելի առաջարկներ արեց»․․․
Զոհված զինծառայողների ընտանիքները փոխնակ մոր ծառայությունից կարող են օգտվել նաև 2-րդ անգամ, եթե ընտանիքում կա 2 զոհված
Կառավարությունն իր այսօրվա՝ մարտի 14-ի նիստում ընդլայնեց զոհված...
Ամենաշատ