News
Լրահոս
News
Հինգշաբթի
Նոյեմբեր 26
USD
511.69
EUR
609.06
RUB
6.78
ME-USD
0.01
Տեսնել լրահոսը

Ռուսաստանի նախագահ Վլադիմիր Պուտինը քաղաքականության հանդեպ իր հակաարեւմտյան մոտեցումը որպես լծակ օգտագործեց Թուրքիայի նախագահ Ռեջեփ Թայիփ Էրդողանի դեմ` Թուրքիային ՆԱՏՕ-ից եւ ԵՄ-ից դուրս բերելու համար, սակայն նրանց մրցակցությունը Մերձավոր Արեւելքից մինչեւ Կովկաս երկրներում ավելի ու ավելի ակնհայտ է դառնում, գրում է Times-ը:

Մինչ այժմ երկու առաջնորդների բարեկամությունը եւ նրանց համընկնող պրագմատիկ եւ գործնական մոտեցումը միջազգային հարաբերություններին հարթում էին տրամագծորեն հակադիր դիրքորոշումները սիրիական, լիբիական եւ Լեռնային Ղարաբաղի հակամարտությունների, ինչպես նաեւ Միջերկրական ծովի Արեւելյան հատվածում Հունաստանի եւ Թուրքիայի միջեւ տարածքային վեճի հարցում, որտեղ Ռուսաստանն աջակցում է Աթենքին, հաղորդում է BBC-ն: 

Պատմականորեն Թուրքիայի եւ Ռուսաստանի հարաբերություններին միշտ հատուկ է եղել մրցակցությունը, այլ ոչ թե համագործակցությունը: ԽՍՀՄ փլուզումից հետո նրանք պայքարում էին Կենտրոնական Ասիայի մահմեդական հանրապետություններում ազդեցության համար, սակայն նոր հազարամյակի սկզբին Մոսկվան եւ Անկարան սկսեցին գործընկերական հարաբերություններ հաստատել էներգետիկայի, զբոսաշրջության եւ առեւտրի ոլորտում:

«[Ռուսաստանի եւ Թուրքիայի միջեւ] վստահության լուրջ խնդիր կա, որը երկու երկրների միջեւ ուղիղ հարաբերությունների արդյունք չէ: Այն սկսվել է Սիրիայում` Իդլիբում տեղի ունեցած իրադարձություններից, եւ շարունակվել Լիբիայում, Լեռնային Ղարաբաղում: Վերջերս Էրդողանը նաեւ հայտարարություն արեց Ղրիմի վերաբերյալ [այն Ուկրաինայի անբաժանելի մաս անվանելով]»,- պարբերականին տված հարցազրույցում ասել է վերլուծաբան Այդին Սեզերը:

«Էրդողանն ու Պուտինը շատ առումներով նման են միմյանց. նրանք երկուսն էլ իրենց արտաքին քաղաքականությունը կառուցում են հակաարեւմտամետության սկզբունքի վրա եւ պրագմատիկ մոտեցում ունեն միջազգային հարաբերությունների նկատմամբ: Նման է նաեւ նրանց մոտեցումը ընդդիմության հանդեպ: Երկու առաջնորդներն էլ կայսերական կարոտախտ են զգում, բայց մենք եւս մեկ անգամ համոզվեցինք, որ առաջնորդների սերտ հարաբերությունները չեն կարող մշտական ​​լինել, եթե նրանք աջակցություն չեն ստանում ինստիտուցիոնալ կառույցների կողմից»,- մեջբերում է թերթը նրա խոսքերը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նույնիսկ եթե Ֆրանսիան ճանաչի Արցախի անկախությունը, ռազմաքաղաքական ուժերի հաշվեկշիռը մեր օգտին չէ․ Չալաբյան
Արցախի ազատագրման եւ ապագա ազատ գոյության տեսանկյունից, այս բանաձեւը առաջինն է իր ձեւի մեջ...
«Հրապարակ». Ինչո՞ւ Վիտալի Բալասանյանին թույլ չտվեցին ստանձնել Շուշիի պաշտպանության հրամանատարությունը
Ռազմական գործիչ պետք չէ լինել՝ հասկանալու համար, որ թշնամին Հադրութից չէր կարող դիմադրության դեպքում հասնել Շուշի...
Խորին երախտագիտություն ենք հայտնում սենատորներին՝ այս պատմական որոշման ընդունման համար. Արայիկ Հարությունյան
Մեկ անգամ եւս հայտարարում ենք, որ Արցախի դեմ զինված ագրեսիայից, նրա տարածքների զգալի մասի ռազմական օկուպացիայից եւ կարգավիճակի հարցը քննարկելու Ադրբեջանի հրապարակային հրաժարումից հետո…
Վերջին լուրերը. տեսանորությունների թողարկում՝ անգլերեն. 25.11.2020
Ինչո՞ւ զոհերի ցուցակները չեն հրապարակվում․ պարզաբանում են ՊՆ-ից
Պետք է բոլոր մանրամասները ճշտել, նոր հրապարակել․․․
Գերմանիան 2 միլիոն եվրո է հատկացրել ԿԽՄԿ-ին՝ Լեռնային Ղարաբաղում նրա գործունեության համար
Ես ողջունում եմ այն փաստը, որ վեց շաբաթ տեւած կատաղի մարտերից հետո նոյեմբերի 9-ին Հայաստանի եւ Ադրբեջանի միջեւ ձեռք բերվեց զինադադարի պայմանագիր․․․