Կորոնավիրուսով վարակման ցուցանիշներն աշխարհի տարբեր երկրներում շարունակում են կտրուկ աճել: Այսպես, Գերմանիայում անցած մեկ օրվա ընթացքում գրեթե 23 400 մարդ է վարակվել, նոյեմբերի 7-ին ասել է Ռոբերտ Կոխի անվան ինստիտուտը: Երկրում վարակվածների ընդհանուր թիվը, այսպիսով, կազմել է 642 488, մահացել է 11 096 հիվանդ, որից 130-ը՝ վերջին 24 ժամվա ընթացքում:
Ռուսաստանում երկրորդ օրն անընդմեջ վարակվածների օրական աճը գերազանցում է 20 000-ը:
Ըստ օպերատիվ շտաբի, նոյեմբերի 7-ին այն կազմել է 20 396 վարակված, մահացել է 364 մարդ: Ընդհանուր առմամբ, համավարակի սկզբից կորոնավիրուսով վարակվել է գրեթե 1,754 միլիոն ռուսաստանցի, մահացել է 30 251 պացիենտ:
Ուկրաինայում նոր վարակների թիվը նույնպես հասել է առավելագույն ցուցանիշի՝ 10 746-ի, վարակի հետեւանքներից 187 մարդ մահացել է, հայտնել է Ուկրաինայի առողջապահության նախարար Մաքսիմ Սոկոլովը: Երկրում վարակվածների ընդհանուր թիվը հասել է 450 934-ի, մահացությունը՝ 8312-ի:
Ամերիկյան Ջոնս Հոփքինսի համալսարանի գնահատականների համաձայն, մինչ այժմ աշխարհում հայտնաբերվել է SARS-CoV-2 վարակի ավելի քան 49,8 միլիոն դեպք: Մահացածների թիվը գերազանցել է 1,25 միլիոնը, հաղորդում է DW-ն:
