Դավադրության տեսությունները եւ ապատեղեկատվությունն անվստահություն են սնում պատվաստանյութերի նկատմամբ եւ կարող են նվազեցնել ԱՄՆ-ում եւ Մեծ Բրիտանիայում կորոնավիրուսի դեմ պատվաստումների մակարդակը:
Երկու երկրներում 8000 մարդու մասնակցությամբ փորձը ցույց է տվել, որ մարդկանց թիվը, ովքեր ասել են, որ կպաստվաստվեին կորոնավիրուսի դեմ, քիչ է բնակչության 55 տոկոսից, որը, ըստ գիտնականների գնահատականի, անհրաժեշտ է այսպես կոչված «կոլեկտիվ իմունիտետի» ապահովման համար:
«Պատվաստանյութերն աշխատում են միայն այն դեպքում, երբ մարդիկ են դրանք պատրաստում: Դավադրության տեսությունները եւ ապատեղեկատվությունն անվստահություն են սնում պատվաստանյութերի նկատմամբ»,-ասել է հետազոտության ղեկավարների մեկը՝ պրոֆեսոր Հայդի Լարսոնը:
Հետազոտության ընթացքում յուրաքանչյուր երկրից 3000 հարցվածների ներկայացրել են սոցցանցերում պատվաստանյութի մասին տարածված ապատեղեկատվություն, մյուս 1000-ին՝ պատվաստանյութի մասին փաստացի տեղեկություն:
Մինչ ապատեղեկատվությանը ծանոթանալը՝ Մեծ Բրիտանիայի բնակիչների 54 տոկոսն ասել է, որ կպաստվաստվի, նման կարծիք էր հայտնել նաեւ ԱՄՆ բնակիչների 41,2 տոկոսը: Սակայն այն բանից հետո, երբ ծանոթացել են համացանցում ապատեղեկատվությանը, այդ թիվը նվազել է 6,4 տոկոսային կետով Մեծ Բրիտանիայի խմբում եւ 2,4 տոկոսային կետով՝ ԱՄՆ-ի խմբում:
Հետազոտությունը ցույց է տվել, որ երկու երկրներում բարձրագույն կրթություն չունեցող եւ ցածր եկամուտ ունեցող խմբերի ներկայացուցիչները մեծ հավանականությամբ կհրաժարվեն պատվաստվելուց:
Կանայք տղամարդկանցից հաճախ հրաժարվել են պատվաստվելուց: