Եվրանեսթը, ինչպես եւ ցանկացած այլ միջազգային կազմակերպություն Ադրբեջանը փորձում է օգտագործել որպես Հայաստանի հետ հարաբերությունները պարզելու հարթակ: Այդ մասին հայտարարել է Եվրանեսթում հայաստանյան պատվիրակության ղեկավար, ՀՅԴ խմբակցության ղեկավար Վահան Հովհաննիսյանը:
Նա հաղորդել է, որ ադրբեջանական կողմն արդեն հասցրել է Եվրանեսթի Բյուրոյին նամակ հղել` «20 տոկոս օկուպացված տարածքների եւ 1 մլն փախստականների մասին»: Բայց հայկական պատվիրակությունն էլ պարտք չի մնացել եւ պատասխան նամակ է հղել: Իսկ ամեն ինչ սկսվել է նրանից, որ հայկական կողմն առաջարկել է Եվրանեսթի Խորհրդարանական վեհաժողովի հաջորդ նիստն անցկացնել Երեւանում սեպտեմբերին: