Խաբարովսկում հանրահավաքի ժամանակ թուրքամետ խմբավորումներն ահաբեկչություն են նախապատրաստել: դեմ արդեն 5 տարի: Այս մասին այսօր Մոսկվա-Երեւան տեսակամրջի ժամանակ հայտարարեց WarGonzo նախագծի հեղինակ, ռազմական թղթակից Սեմյոն Պեգովը:
Լրագրողը հիշեցրեց, որ Թուրքիան մտադիր է Ադրբեջանին անցած շրջաններում բնակեցնել թուրքոմաններով, որոնք բնակվում են Սիրիայի տարածքում:
«Փաստացի պետական ծրագիրն իրականացվում է այն տարածքներում, որտեղ կան թուրքամետ ահաբեկչական խմբավորումներ, առաջին հերթին՝ Իդլիբ նահանգում: Տեղի բնակչությանն առաջարկում են արտոնյալ պայմաններ եւ ֆինանսական օգնություն, եթե նրանք ցանկություն են հայտնում տեղափոխվել Արցախ: Դրանք կլինեն այն նույն գրոհայինները, որոնք Արցախից ոչ մի տեղ չեն հեռացել: Այդ վարձկանների հիմնական մասը կազմում են Սիրիայում պատերազմի հետեւանքով աղքատացածները, եւ միայն ոչ մեծ մասը՝ պրոֆեսիոնալ զինվորականներ: Էրդողանը հասկանում է, որ Ռուսաստանն Ասադի հետ իրեն կարող է դուրս հանել Իդլիբից, եւ ծայրահեղական ուժերը, որոնք կան այնտեղ, կարող են Էրդողանի համար օգտակար լինել արդեն Անդրկովկասում: Մի մեծ հարց կա. ինչպիսի՞ն կլինի իրավիճակը նույն Դաղստանում, որը սահմանակից է Ադրբեջանին: Մենք գիտենք, որ Ադրբեջանը միջանցքի դեր է ունեցել Ռուսաստանից Սիրիա կրոնական ծայրահեղականների տեղափոխելու համար: Այսինքն, Ադրբեջանը խաբ է համարվում: Թուրքիան դա կօգտագործի որպես ճնշման եւ Ռուսաստանում ու Կովկասում ներքաղաքական գործընթանցերին մասնակցության որոշակի գործոն»,-նշեց Պեգովը:
Նա նկատեց, որ այդ բոլոր իրադարձությունները ծանր հետեւանքներ կունենան Ռուսաստանի ներքին անվտանգության համար:
