News
Լրահոս
News
Երկուշաբթի
Հունվար 18
USD
522.53
EUR
634.35
RUB
7.13
ME-USD
0.01
Տեսնել լրահոսը

Մենք A կետից B կետը պիտի գնայինք, բայց չի նշվել, թե B կետը որտեղ է։ Գնացել ենք ու ընկել շրջափակման մեջ։ Այս մասին այսօր՝ դեկտեմբերի 1-ին, Էջմիածնի զորամասի դիմաց լրագրողների հետ զրույցում ասաց Դավիթ Կատանյանը,  ում հարազատ եղբայրն ու ընկերները անհետ կորել են։

«Ինձ մի կերպ է հաջողվել դուրս գալ շրջափակումից։ Մենք՝ 12 հոգիս հրամանատար չենք ունեցել, իսկ սարի հետեւում ունեցել ենք գեներալ իր անձնակազմով, որը իր զորքը չի մտցրել։ Օգնություն էլ ենք ուզել, չի եկել։ Մենք շրջափակումից դուրս ենք եկել 5 հոգով, հետո 3 հոգի քիմիկոսներն են դուրս եկել, իսկ հաջորդ օրը նոր իրենց հրամանատարն է դուրս եկել, ինքը մարտի մեջ է մնացել, չէր կարողանում դուրս գալ, մարդը մեղք չունի, կոնկրետ էս գործողությանը ուղարկել է գեներալ Անդրանիկ Մակարյանը։ Սա էլ դեմքս, ինձ լավ հիշեք, շտաբում  ինձ տեսել են»,- դիմակը երեսից իջեցնելով ասաց Դավիթը։

Նա պատրաստ է կրկին գնալ նույն տարածք, որպեսզի հարազատներին որոնի, սակայն մի պահանջ ունի։

«Եթե իրենք ինձ խոսք կտան, որ իմ դիակը հետ կբերեն, տուն կհասցնեն, ես տղերքի համար նորից կմտնեմ»,- ասաց Դավիթը։

Անհետ կորած զինվորների հարազատները պահանջում են, որպեսզի ամեն ինչ արվի նրանց գտնելու համար, անգամ  պատրաստ են սեփական միջոցներով գնալ, եւ որոնել, միայն, թե թույլատրեն։ Ըստ նրանց՝ իրենց հարազատները ի սկզբանե գնացել են Կապան, սակայն հետո Զանգելանում են հայտնվել։

Զինվորների հարազատների մոտեցավ Էջմիածնի զորամասի շտաբի պետ կապիան Կամո Մալխասյանը, նա փոխանցեց․

«Մեզանից հասանելիք ինչ-որ կա, մենք ամեն ինչ արել ենք, բոլոր տվյալները ներկայացված է հանձնաժողովի  նախագահին։ Այսօր էլ նախարարից տեղեկություն կա, որ այսօր կամ վաղը Զանգելանի հատվածում աշխատանքներ են իրականացվելու»։

«Սուտ ես ասում, առաջին օրվանից նույն բանն են ասում»,- կապիտանի ելույթին արձագանքեցին անհետ կորած զինվորների հարազատները։

«Աշխատելու է Կարմի Խաչը Պաշտպանության նախարարության անձնակազմի հետ»,- հավելեց կապիտանը։

Տպել
Կարդացեք նաև
Ամբողջը
Հասարակությունը միեւնույն է, մի օր իմանալու է մեր խայտառակ պարտության ողջ պատմությունը. Նաիրա Զոհրաբյան
Ես կարծում եմ, որ քաղաքական դաշտում պիտի ձեւավորվի կոնսեսուս՝ լյուստրացիայի հետ կապված…
Փրկել է ճաշարանի աշխատակցուհիներին, սակայն ինքը չի փրկվել․ Էրիկ Սահակյանն այսօր կդառնար 20 տարեկան
Էրիկ Սահակյանը նահատակվել է սեպտեմբերի 27-ին անօդաչու թռչող սարքի հարվածից…
Միրզոյանն իրեն ուղղված մեղադրանքը հերքելու համար կարող է թուղթն ուղարկել ձեռագրաբանական փորձաքննության. Նարեկ Մալյան
Այս թուղթը կոնկրետ անձնական գործից վերցված թուղթ է, որտեղ երևում է նաև գործակալի…
Արցախի բոլոր բնակավայրերում արդեն ընդհանուր առմամբ վերականգնված է էլեկտրամատակարարումը. Արայիկ Հարությունյան
Պատերազմական գործողությունների հետևանքով ոչնչացվել կամ վնասվել էին Արցախի էլեկտրամատակարարման գրեթե բոլոր ենթակայաններն ու ցանցի բազմաթիվ հատվածներ…
Որոնողական աշխատանքների արդյունքում հայտնաբերվել է 3 զոհված զինծառայողի աճյուն. Արցախի ԱԻՊԾ
Նա նշեց, որ որոնողական աշխատանքներն վաղը շարունակվելու են՝ Հադրութում, Ֆիզուլիում, Ջաբրայիլում եւ Որոտանում…
Եղբորն արգելել է Արցախ գնալ, ինքը զոհվել` մարտի դաշտ չհասած. Ազատանցի սպա Սերոբ Մելքոնյանի պատմությունը
Ինքը շատ լավ էր մարտ վարում, հմուտ էր, զինվորները լսում էին իրեն…
Ֆոտոռեպորտաժներ