Հարգելի հայրենակիցներ, Արցախում գտնվելու ընթացքում ծանոթանալով ստեղծված իրավիճակին, ինչպես նաեւ ունենալով քննարկումներ Արցախի նախագահի եւ այլ պաշտոնյանների հետ, հասկացա մի պարզ ճշմարտություն, որ մեր ձախողումների գլխավոր պատճառներից մեկը կորսված ժամանակ է, ինչը տեղի է ունեցել տասնամյակներ, գուցե եւ ավելի։ Այս մասին Facebook-ի իր էջում գրել է Մանե Թանդիլյանը, ով այսօր նշանակվելէ Արցախի աշխատանքի, սոցիալական եւ բնակարանային հարցերի նախարար:
Նա, մասնավորապես, նշել է. «Հետեւաբար, այս պահին մենք պետք է ամեն օր աշխատենք, ստեղծենք, հզորացնենք մեր հայրենիքը, հակառակ պարագայում տարիներ անց էլի խոսելու ենք նախկինում բաց թողնված հերթական հնարավորությունների մասին։
Տեղի ունեցած ողբերգությունը շատերի համար ստեղծել է նաեւ անձական, ընտանեկան ողբերգություն եւ մենք պարտավոր ենք օր առաջ առնվազն մեղմել այդ ընտանիքների ցավը՝ ցուցաբերելով նվիրական հոգածություն եւ անհրաժեշտ աջակցություն։
Այս ամենի իրականացման համար իմ արդյունավետ ներգրավումը ուղղված Արցախը ապրեցնելուն առաջիկա ժամանակահատվածում համարում եմ Արցախի աշխատանքի, սոցիալական եւ բնակարանային հարցերի նախարարի կարգավիճակը, որը վստահ եմ թույլ կտա արագ լուծում տալ Արցախի քաղաքացիների սոցիալական խնդիրներին՝ նպատակ ունենալ կարճաժամկետ հատվածում ապահովել արցախցիների վերադարձը Արցախ՝ ստեղծելով կյանքի եւ աշխատանքի համար որակյալ պայմաններ»:
Հարգելի հայրենակիցներ, Արցախում գտնվելու ընթացքում ծանոթանալով ստեղծված իրավիճակին, ինչպես նաև ունենալով քննարկումներ...
Опубликовано Մանե Թանդիլյան - Mane Tandilyan Среда, 2 декабря 2020 г.
