News
Լրահոս
News
Երեքշաբթի
Մարտ 19
Տեսնել լրահոսը

ԱՄՆ նախագահ Դոնալդ Թրամփը հրամանագիր է ստորագրել` մինչեւ 2021 թվականի սկիզբ Սոմալիից ԱՄՆ զորքերի մեծ մասի դուրս բերման մասին, հայտնում է CNN-ը:

«ԱՄՆ նախագահը պաշտպանության նախարարությանը եւ Աֆրիկայի հրամանատարությանը հանձնարարել է մինչեւ 2021-ի սկիզբ անձնակազմի եւ գույքի մեծ մասը տեղափոխել Սոմալիից», - ասվում է Պենտագոնի հայտարարության մեջ:

Հայտարարության մեջ նշվում է նաեւ, որ, չնայած Սոմալիում ծառայող գրեթե բոլոր զինվորականների դուրսբերմանը, «այս քայլը փոփոխություն չէ ԱՄՆ քաղաքականության մեջ»:

«Այս միջոցառումը հեռանալ կամ մեր ջանքերի դադարեցում չէ, այլ` վերակողմնորոշում դեպի մեր ջանքերի շարունակումն Արեւելյան Աֆրիկայում»,- հայտարարել են Պենտագոնում:

Ավելի վաղ Դոնալդ Թրամփը կարգադրել էր մինչեւ 2021 թվականի հունվարի 15-ը դուրս բերել ամերիկյան զորքերն Աֆղանստանից եւ Իրաքից:

 

!
Այս նյութը հասանելի է նաև   English and Русский
Տպել
Ամենաշատ