Մոսկվան մեծ նշանակություն է տալիս Հայաստանում ռուսերենի ուսուցմանը: Այս մասին Մոսկվայում ՀՀ ԱԳՆ ղեկավար Արա Այվազյանի հետ համատեղ ասուլիսի ժամանակ հայտարարել է ՌԴ ԱԳՆ ղեկավար Սերգեյ Լավրովը:
«Մոսկվան գնահատում է այն, որ հայ գործընկերները հասկանում են համագործակցության այդ ուղղության նշանակությունը: Երկրում գործում է ռուսերենի խորացված ուսուցմամբ 60 պետական դպրոց, ինչպես նաեւ ռուսական բուհերի 6 մասնաճյուղ եւ Հայ-ռուսական համալսարան»,-նշել է Լավրովը:
Նրա խոսքով՝ ռուսական բուհերում, այդ թվում ՌԴ տարածքում, սովորում է ավելի քան 5000 ՀՀ քաղաքացի, որից 2 հազարը՝ ՌԴ դաշնային բյուջեի հաշվին:
«Մենք կշարունակենք իրականացնել համապատասխան ծրագրեր, տրամադրել համապատասխան քվոտաներ, եւ պատրաստ ենք մեծացնել դրանք»,-ընդգծել է Լավրովը:
