ՄԱԿ գլխավոր քարտուղար Անտոնիո Գուտերեշը հայտնել է, որ նախատեսում է կատարել կորոնավիրուսի դեմ հրապարակային պատվաստում, երբ դա հնարավոր լինի, փոխանցում է ՏԱՍՍ-ը:
«Ես, իհարկե, պատվաստանյութը ստանալու մտադրություն ունեմ, երբ այն ինձ հասանելի լինի, եւ երբ իրավիճակը հարմար լինի,- ասել է նա նախօրեի ճեպազրույցի ժամանակ: - Եվ ես, անկասկած, դա կանեմ հրապարակայնորեն»:
«Ես բոլորին կոչ եմ անում դեղամիջոցի հասանելիությանը զուգահեռ անպայման պատվաստվել,- շեշտել է Գուտերեշը: - Որովհետեւ դա ոչ միայն մեզ արված ծառայություն է. յուրաքանչյուրը, ով պատվաստվում է, ծառայություն է մատուցում ամբողջ հանրությանը եւ կասեցնում է վիրուսի տարածումը»: «Իմ տեսանկյամբ պատվաստումը մեզնից յուրաքանչյուրի բարոյական պարտքն է»,- ամփոփել է նա: