Ռուսաստանը ԱՊՀ երկրներին փոխանցել է կորոնավիրուսի մոտ 1,3 մլն թեստ: Այս մասին ԱՊՀ ղեկավարների խորհրդի նիստի ժամանակ հայտնել է ՌԴ նախագահ Վլադիմիր Պուտինը, հաղորդում է ՌԻԱ Նովոստին:
«ԱՊՀ անդամ երկրներին են փոխանցվել թեստ համակարգեր եւ ռեագենտներ կորոնավիրուսի մոտ 1 միլիոն 300 հազար թեստ անցկացնելու համար: Դա, նշեմ, արտասահմանում Ռուսաստանի տրամադրած աջակցության ավելի քան 52 տոկոսն է»,-ասել է Պուտինը:
Նա ընդգծել է, որ ՌԴ-ն «աջակցել է եւ կաջակցի ԱՊՀ բոլոր գործընկերներին կորոնավիրուսի հետեւանքները հաղթահարելու համար»:
