Կանադայում հաստատվել է կորոնավիրուսի դեմ Moderna ընկերության պատվաստանյութը, որը համարվում է երկրում երկրորդ պատվաստնյութը:
Ավելի վաղ Օտավան կանաչ լույս էր տվել Pfizer-ին, որն իշխանությունները սկսել էին կիրառել առաջնահերթություն համարվող խմբերի շրջանում, ինչպես բուժաշխատողները եւ տարեց մարդիկ: Ներկայում Կանադան ստացել է պատվաստանյութի 76 միլիոն դեղաչափ:
«Մանրակրկիտ անկախ գնահատումից հետո հաստատվել է, որ Moderna-ի պատվաստանյութը համապատասխանում է Անվտանգության, արդյունավետության եւ որակի դեպարտամենտի պահանջներին»,-ասված է դաշնային առողջապահության նախարարության հայտարարության մեջ:
Անցած շաբաթ Միացյալ Նահանգները նույնպես հաստատել են Moderna պատվաստանյութը:
Կանադայի վարչապետ Ջասթին Թրյուդոն դեկտեմբերի 15-ին հայտարարել էր, որ Կանադան համաձայնագիր է ստորագրել Moderna ընկերության հետ 168 000 դեղաչափ պատվաստանյութ մատակարարելու համար:
Կանադայում ընդհանուր առմամբ գրանցվել է կորոնավիրուսով մահացության 521 509 դեպք եւ վարակի հետեւանքով 14 425 վարակակիր:
