Մեծ Բրիտանիայի կառավարությունը դեկտեմբերի 31-ից կխստացնի սահմանափակումները երկրի եւս մի շարք շրջաններում` կապված կորոնավիրուսային հիվանդությունների արագ աճի հետ, եւս մի քանի միլիոն մարդ կհայտնվի լոքդաունի մեջ, հայտարարել է երկրի առողջապահության նախարար Մեթ Հենքոկը, տեղեկացնում է «ՌԻԱ Նովոստին»:
«Կորոնավիրուսի նոր շտամի տարածման պատճառով Անգլիայի բնակչության երեք քառորդը այժմ կապրի առավելագույն սահմանափակումների պայմաններում»,- չորեքշաբթի օրը խորհրդարանում ասել է նա:
Ներկայումս ամենախիստ սահմանափակումները գործում են Լոնդոնում եւ Անգլիայի հարավ-արեւելքում, դեկտեմբերի 31-ից սահմանափակումներ կլինեն Անգլիայի 75%-ում, ներառյալ շրջանի Հյուսիս-Արեւելքը, Մեծ Մանչեսթերը, Միդլենդսը եւ Հարավ-Արեւմուտքը: Մնացած շրջաններում COVID-19-ի տարածման սպառնալիքի մակարդակը նույնպես կբարձրանա մեկ աստիճանով, ասել է նախարարը:
Սպառնալիքի ամենաբարձր, չորրորդ մակարդակ ունեցող շրջաններում քաղաքացիներին խորհուրդ է տրվում մնալ տանը, արգելվում է հյուր գնալ, փակ են ոչ պարենային խանութները, թատրոնները, ռեստորանները, փաբերը, վարսավիրանոցները եւ մարզադահլիճները:
