Մեծ Բրիտանիայում հայտնաբերված կորոնավիրուսի նոր մուտացիան հասել է նաեւ Հունաստան, հաղորդում է ՌԻԱ Նովոստի-ն՝ հղում անելով Skai տեղական հեռուստաալիքին:
Անցած շաբաթ Մեծ Բրիտանիայից Հունաստան ժամանած վեց զբոսաշրջիկ սուրբծննդյան օրերին էքսպրես թեստի արդյունքում ստացել են դրական պատասխան:
Հատուկ մոլեկուլյար թեստավորումն ու վերլուծությունը, որը տեւել է առնվազն երեք օր, ցույց է տվել, որ նրանցից չորսի մոտ հայտնաբերվել է վիրուսի նոր շտամ, հաղորդում է հեռուստաալիքը:
Նրանք բոլորը գտնվում են հյուրանոցում հսկողության տակ:
Տասն օրից, երբ ավարտվի նրանց կարանտինը, նրանք նորից կստուգվեն, եւ այդ ժամանակ կորոշվի՝ նրանց կթույլատրվի դուրս գալ կարանտինից, թե ոչ, հաղորդում է Skai-ն:
Այդ չվերթի բոլոր ուղեւորները գտնվում են համաճարակաբանական հսկողության տակ: