Իրանի նախագահ Հասան Ռոհանին կոչ է արել Ռաշտ-Կասպիան երկաթգծի կառուցման ավարտի համար ակտիվացնել ջանքերը, հաղորդում է Mehr-ը:
Նա այդ մասին հայտարարել է առեւտրի, արդյունաբերության, ենթակառուցվածքների եւ հատուկ տնտեսական գոտիների ոլորտում ազգային մի քանի ծրագրերի բացման ժամանակ, որոնց իրականացման համար ներդրվել է մոտ 438 մլն եվրո:
Ռոհանին Ռաշտ-Կասպիան երկաթգիծն անվանել է «շատ կարեւոր եւ ռազմավարական»: Նա կոչ է արել գործադրել առավելագույն ջանքերը առաջիկա 4 ամիսներին շինարարությունն ավարտին հասցնելու համար:
Նրա խոսքով՝ Իրանի ազատ առեւտրի գոտում արտասահմանյան եւ արտաքին ներդրումներն ավելացել են 56 տոկոսով՝անցած տարվա համեմատ: