Գերմանիայի ոստիկանությունը հերթական ձերբակալությունն է իրականացրել եվրոպական ցանցի գործունեության հետաքննության շրջանակներում, որը փորձել է Սիրիայի տարածքում ահաբեկչությունը ֆինանսավորել Թուրքիայի միջոցով, հայտնում է DW-ն:
Կասկածյալին, որին դատախազները անվանում են Էրման Կ., առաջադրվել է իր ստեղծած կայքի միջոցով սիրիական «Տահրիր ալ-Շամ» զինյալների խմբի համար Եվրոպայում ֆինանսական նվիրատվություններ ստանալու մեղադրանք:
Ձերբակալությունը տեղի է ունեցել անցյալ շաբաթ գերմանական ոստիկանության գործողությունից հետո, երբ համանման մեղադրանքներով ձերբակալվել էին եւս երեք անձինք, այդ թվում՝ գլխավոր կասկածյալ, Գերմանիայի քաղաքացի Էնդեր Ա.-ն, որը ենթադրաբար թուրքական ծագում ունի:
Ենթադրվում է, որ Էրման Կ.-ն անմիջական կապի մեջ է եղել «Թահրիր ալ-Շամ»-ի հետ 2020 թվականի ապրիլին եւ մայիսին, մինչդեռ Էնդեր Ա.-ն մեղադրվում է խմբին աջակցելու համար Թուրքիա մեկնելու մեջ:
«Թահրիր ալ-Շամ» կազմակերպությունը ստեղծվել է 2017-ի հունվարին՝ Սիրիայի մի շարք իսլամիստական խմբավորումների, այդ թվում՝ երկրում գտնվող «Ալ-Քաիդա»-ի նախկին մասնաճյուղի կողմից:
Այս խմբավորումը ահաբեկչական կազմակերպությունների ցուցակում է ներառվել այնպիսի երկրների կողմից, ինչպիսիք են ԱՄՆ-ը, Մեծ Բրիտանիան եւ Թուրքիան:
