Նիդեռլանդների կառավարությունն առաջարկել է սահմանել առաջին համազգային պարետային ժամը՝ առաջին անգամ Երկրորդ աշխարհամարտից հետո, եւ արգելել թռիչքները Հարավային Աֆրիկայից ու Մեծ Բրիտանիայից, որ սահմանափակվի Նիդեռլանդներում կորոնավիրուսի նոր մուտացիաների տարածումը, հայտնում է Reuters-ը:
Երկրի վարչապետ Մարկ Ռյուտեն հայտնել է, որ պարետային ժամը պետք է ստանա խորհրդարանի հավանությունը, որը հինգշաբթի պետք է քննարկի կորոնավիրուսի դեմ միջոցառումները: Թռիչքների արգելքը, Ռյուտեի խոսքով, ուժի մեջ է մտնելու շաբաթ: Սպասվում է, որ պարետային ժամը ուժի մեջ կմտնի այս հանգստյան օրերին:
Պարետային ժամը խախտողները կարող են տուգանվել 95 եվրոյով:
Դպրոցները եւ երկրորդական նշանակության խանութները փակ են դեկտեմբերի կեսից՝ երկու ամիս ավելի շուտ բարերի եւ ռեստորանների փակվելուց հետո:
Ռյուտեն անցյալ շաբաթ հայտարարել էր, որ այս մեկուսացումը գործելու է նվազագույնը մինչեւ փետրվարի 9-ը: