Անգլիայի Քենթ եւ Էսեքս կոմսությունների իրավապահ մարմինները մեղադրանք են առաջադրել տղամարդուն այն բանից հետո, երբ նա կասկածելի փաթեթ է ուղարկել Հյուսիսային Ուելսում գտնվող COVID-19-ի դեմ պատվաստանյութերի գործարան, հայտնել է Քենթի ոստիկանությունը:
Փաթեթը, որում չաշխատող սարք էր, գործարանում ստացել էին հունվարի 27-ի առավոտյան:
Հաջորդ առավոտ Քենթի ոստիկանության աշխատակիցները ձերբակալել էին Չեթհեմի բնակիչ Էնթոնի Քոլինզին:
53-ամյա կասկածյալին մեղադրանք է առաջադրվել այն բանի համար, որ նա ուղարկել է փաթեթը` մտադրություն ունենալով հավատ առաջացնել, որ այն կարող է պայթել կամ բռնկվել:
2021 թվականի հունվարի 30-ին` շաբաթ օրը, Քոլինզը կալանավորվել է մինչ դատավարության մեկնարկը:
