Այսօր Հայաստանում չկա մի մարդը, որը չի ցանկություն չունի, որ այդ դավաճանը և թուրքը դուրս շպրտվի և օրենքով իր պատիժը կրի։ Այս մասին, այսօր՝ փետրվարի 25-ին, Ազատության հրապարակում մեկնարկած հանրահավաքի ժամանակ հայտարարեց ԲՀԿ խմբակցության պատգամավոր Միքայել Մելքումյանը։
«Մենք գնում ենք անդունդի եզրով, բայց իրավունք չունենք անդունդն ընկնելու։ Մենք պետք է անպայման մեր ուժը ցուցադրենք, որովհետև այն դավաճանը, որն այսօր դեռ ժամանակավոր կպած է այդ աթոռին, երկիրը վերջանական ճգնաժամի է հասցրել։ Այսօր ինքը ենթարկվեց նոկդաունի և հոգեվարքի մեջ է իր փոքր խմբակով»,- նշեց Մելքումյանը։
Միքայել Մելքումյանի կարծիքով՝ Իսկանդերի մասին հայտարարությամբ Փաշինյանը փորձեց սեպ խրել հայ-ռուսական հարաբերությունների միջև։
«Դա նրան չի հաջողվելու։ Մենք կանգնում ենք մինչև վերջ և վերջին վճռական հարվածն ենք հասցնում նրան»,- ասաց Միքայել Մելքումյանը։
