Ֆրանսիայի իշխանությունները սկսել են հետաքննություն ֆոտոլրագրողի վրա հարձակման կապակցությամբ, որը հարձակման հետեւանքով լուրջ վիրավորում էր ստացել երիտասարդության շրջանում բռնության ենթադրյալ բռնկման մասին ֆոտոռեպորտաժ պատրաստելիս:
Կիրակի L'Union թերթը հաղորդել է, որ 65-ամյա Կրիստիան Լանտենուան գտնվում է ծանր, սակայն կայուն վիճակում Ֆրանսիայի հյուսիսում՝ Ռեյմսի հիվանդանոցում:
Թերթի տվյալներով՝ լուսանկարիչը ենթարկվել է հարձակման շաբաթ, երբ լուսաբանել է իրադարձություններն այն մասին, որ երիտասարդները, որոնցից մի քանիսը եղել են զինված մետաղյա ու գոլֆի ձողերով, հավաքվել են քաղաքի շրջաններից մեկում:
Թերթը հաղորդել է, որ Լանդենուայի վրա, ըստ ամենայնի, հարձակվել են այն պատճառով, որ նա լրագրող է: Նա ժամանել է այդ շրջան մեքենայով, որի վրա նշված էր թերթի անվանումը: Լանտենուան ստացել է վնասվածք գլխի շրջանում:
Ռեյմսի դատախազությունը հետաքննում է հարձակումը՝ որպես սպանության փորձ, հաղորդում է L'Union-ը: