Եվրամիությունը Հայաստանում 3,5 մլն եվրոյի չափով աշխատանքային միգրանտների աջակցության ծրագիր է իրականացնում: Այս մասին մարտի 12-ին ԵՄ-ի «Տեղական դերակատարների հզորացում հանուն զարգացման» ծրագրի քննարկման ժամանակ հայտարարել է Միգրացիոն քաղաքականության զարգացման միջազգային կենտրոնի ղեկավար Քարել Հոֆսթրան: Նա բացատրել է, որ ծրագրի իրականացման ժամկետը 4 տարի է, դրամաշնորհի բյուջեն՝ 1,2 միլիոն եվրո: Նրա խոսքով ՝ ծրագիրը նպատակ ունի խրախուսել միգրանտներին՝ գումար ներդնել ՀՀ տնտեսության մեջ:
«Աջակցություն կտրամադրվի ինչպես նոր, այնպես էլ գործող բիզնեսին: Ծրագիրը գործում է ՀՀ ողջ տարածքում: Շահառուները նախ պետք է դիմեն եւ անցնեն վերապատրաստում: Միգրանտներին, ովքեր ցանկանում են իրենց գումարները ներդնել բիզնեսի մեջ, կտրամադրվի դրամաշնորհ ՝ 2 հազարից 10 հազար եվրոյի չափով: Բացի այդ, շահառուները հնարավորություն կունենան օգտվել արտոնյալ վարկերից»,-նշել է Հոֆսթրան: