Լատվիայի կառավարությունն ուրբաթ օրը կայացած նիստում հաստատել է ավելի խիստ սահմանափակումներ կորոնավիրուսային համաճարակի դեմ պայքարում, որը նախատեսում է հանրապետության զբաղված բնակչության տեղափոխում հեռավար աշխատանքային ռեժիմի, հաղորդում է ՏԱՍՍ-ը:
Տեղական LETA գործակալության տվյալներով` ավելի վաղ հեռավար աշխատանքի կազմակերպումը խորհրդատվական բնույթ ուներ: Նախարարների կաբինետի կողմից ուրբաթ ընդունված որոշման համաձայն՝ գործատուն այժմ պարտավոր է բացահայտել այն աշխատակիցներին, ովքեր կարող են տեղում աշխատանք կատարել աշխատանքի շարունակականությունն ապահովելու համար:
Նոր պահանջն ուժի մեջ կմտնի մարտի 16-ին եւ ուժի մեջ կմնա մինչ արտակարգ դրության ավարտը `ապրիլի 6-ը:
«Եթե աշխատողը մատնանշում է օբյեկտիվ հանգամանքներ, որոնք խանգարում են նրան հեռակա աշխատանք կատարել իր բնակության վայրում, ապա գործատուն պետք է հաշվի առնի, որ նա կարող է տեղում կատարել աշխատանքը՝ պահպանելով համապատասխան համաճարակաբանական անվտանգության եւ անձնական պաշտպանության միջոցները»,-հայտնել է կառավարությունը: