News
Լրահոս
News
Երկուշաբթի
Հունվար 30
USD
395.53
EUR
393.43
RUB
6.42
Տեսնել լրահոսը


Պատերազմի ավարտից 134 օր անց Ազգային ժողովը վերացրեց ռազմական դրությունը Հայաստանում: Նախագիծը ներկայացրել էին ԼՀԿ ու ԲՀԿ խմբակցությունները:

Միակ դեմ քվեարկածը՝ անկախ պատգամավոր Գեւորգ Պետրոսյանը պարզաբանեց՝ այն ժամանակ, երբ ռազմական դրություն հայտարարվեց, դրա հիմքերը չկային, հիմա, երբ Հայաստանի գլխին պատերազմի վտանգ է կախված, վերացնում են ռազմական դրությունը:

ԲՀԿ խմբակցությունից դուրս եկած պատգամավորը նշեց, որ միակ մարդը, որն ի վիճակ է երկիրը դուրս բերել այս վիճակից, Ռոբերտ Քոչարյանն է: Պետրոսյանը ԲՀԿ-ի ցուցակով առաջարկություն ստանալու դեպքում՝ կմերժի։

Ազգային ժողովում կառավարության հետ հարցուպատասխանի ժամանակ Նիկոլ Փաշինյանը խոսել է արտահերթ ընտրություններից առաջ Ընտրական օրենսգիրքը փոխելու նախաձեռնության մասին։ Նրա խոսքով՝ թեև ընդդիմադիր խմբակցությունների հետ ընտրական օրենսգիրքը փոխելու շուրջ պայմանավորվածություն չկա, սակայն բանակցությունների ժամանակ պարզ է դարձել, որ «Բարգավաճ Հայաստանը» եւ «Լուսավոր Հայաստանը» այդ հարցը թողնում են խորհրդարանական մեծամասնության հայեցողությանը։ Մեծամասնությունն էլ որոշել է, որ անհրաժեշտ է գնալ Ընտրական օրենսգրքի պարզ փոփոխությունների: «Ընտրությունները կանցկացվեն համամասնական ընտրակարգով՝ առանց ռեյտինգայինի»,- ասել է Փաշինյանը:

Հայաստանում կա Զինված ուժերի Գլխավոր շտաբի մեկ պետ, պատգամավորների հետ հարցուպատասխանի ժամանակ ասել է պաշտպանության նախարար Վաղարշակ Հարությունյանը։

Բարձր տեխնոլոգիական արդյունաբերության նախարար Հակոբ Արշակյանն Ազգային ժողովում լրագրողների հետ զրույցում ներողություն է խնդրել լրագրող Փայլակ Ֆահրադյանից, նրան հարվածելու համակարգիչը վնասելու համար։ Լրագրողին բռունցքով հարվածած նախարարն այսօր չափից դուրս հարգալից էր լրագրողների հետ, գրեթե սեր խոստովանեց նրանց։

Ահետ կորած զինծառայողի հարազատը քարով կոտրել է կառավարության շենքի պատուհանը։ «Դավաճան Նիկոլ, հետ բեր երեխեքին»,- Mediaport-ի փոխացմամբ՝ արտասվելով բղավել է  քաղաքացին: Ոստիկանները բռնի ուժով բերման են ենթարկել նրան:

Վարչապետի աշխատակազմի ղեկավարի տեղակալ Տարոն Չախոյանը հայտնվել է սկանդալի կենտրոնում։ Հրապարակվել է ֆեյսբուքյան մի  օգտատիրոջն ուղարկված նրա  ձայնային հաղորդագրությունները, որում կապիտուլյացիայի ստորագրումից 11 օր անց օգտատերը փորձում է պարզել, թե ինչ իրավունքով է Աննա Հակոբյանը պատերազմի օրերին եղել բունկերում։ Չախոյանը ասել է, որ իրեն էլ են այդ հարցերը հուզում, և ինքն էլ շատ ուզում իմանալ այդ հարցերի պատասխանները՝ չհերքելով Աննա Հակոբյանի ներկա գտնվելը հրամանատարական կետում։

Չախոյանը խոսել է նաեւ Սու կործանիչների անիմաստ գնման, Ապրիլյանից հետո ձեռք բերվելիք սպառազինությունների ցանկը 2018–ից հետո փոխելու, ԱԹՍ-ների դեմ գործուն միջոցներ չձեռնարկելու, կառավարման քաոսի և պատերազմի ելքի վրա դրանց հետևանքների մասին։ Տարոն Չախոյանի քննադատական ձևակերպումները կառավարության վերաբերյալ զարանալի են հատակապես այն պատճառով, որ Չախոյանը սոցցանցերում Փաշինյանի ամենամոլի պաշտպաններից է։

Կորոնավիրուսից մահացել է Արմավիրի մարզից ընտրված ԱԺ նախկին պատգամավոր Հակոբ Հակոբյանը: Նա 58 տարեկան էր: Վերջին երկու օրերին հիվանդությունը խորացել էր եւ նա հոսպիտալացվել էր:

Վերջին 24 ժամում Հայաստանում մահացել է ընդհանուր առմամբ 17 վարակակիր, որոնցից 3-ը՝ այլ հիվանդությունից։ Մահացածների ընդհանուր թիվը 4263 է։ Մեկ օրում վարակվել է 1164 մարդ, նրանց ընդհանուր թիվը հասել է 186184-ի:

ԱՄՆ դոլարի փոխարժեքը, նախորդ օրվա համեմատ աճելով 0.20 դրամով հասել է 528.32 դրամի: Եվրոյի փոխարժեքը նվազել է 2.77 դրամով ու կազմել 627.16 դրամ, բրիտանական ֆունտի փոխարժեքը նվազել է 1.99 դրամով  ու կազմել 725.44 դրամ, իսկ ռուսական ռուբլու փոխարժեքը աճել է 0.04 դրամով  ու կազմել 6.97 դրամ:

Մարտի 25-ին երկրի շրջանների զգալի մասում սպասվում են տեղումներ: Եղանակն առաջիկա օրերին կցրտի 10-12 աստիճանով: Երեւանում սպասվումէ. Դադարներով անձրեւ։ Այս գիշեր մայրաքաղաքում կլինի +4-ից +6, վաղը ցերեկը +10-ից +12 աստիճան։

Տպել
Կարդացեք նաև
Ամբողջը
Ինչպե՞ս են հայերը Սպահանում դիմավորել Ամանորը
Իրանահայ համայնքը Իրանի ազգային փոքրամասնություններից ամենախոշորն է․․․
Լուրեր Հայաստանից ու աշխարհից «մեկ տողով»․ 28․05․2021
Առաջին անգամ Հանրապետության տոնին գլխավոր հանդիսավայրը փակ է եղել լրագրողների եւ քաղաքացիների համար…
Լուրեր Հայաստանից ու աշխարհից «մեկ տողով»․ 28․05․2021
Այսօր առավոտյան հերթական անգամ հայ հանրությունը փոթորկվեց սահմանից ստացված լուրից: Գեղարքունիքի սահմանային գոտում...
Լուրեր Հայաստանից ու աշխարհից «մեկ տողով»․ 26․05․2021
Սյունիքում երեկ հերթական բախումն է տեղի ունեցել հայ զինծառայողների եւ Հայաստանի տարածք ներխուժած ադրբեջանցի զինվորականների միջեւ...
Լուրեր Հայաստանից ու աշխարհից «մեկ տողով»․ 25․05․2021
Երեկվանից սկսած Հայկական զինուժը երեք կորուստ ունի, որոնցից մեկը՝ մարտական...
Լուրեր Հայաստանից ու աշխարհից «մեկ տողով»․ 24․05․2021
Վերջին օրերին լուրեր էին շրջանառվում, որ 44-օրյա պատերազմի օրերին Ջրականից նահանջելիս 160 հայ զինվոր անցել...
Ամենաշատ