Բայդենի կողմից Հայոց ցեղասպանության ճանաչումն ԱՄՆ-ի եւ Թուրքիայի միջեւ հարաբերությունների ավելի լայն խզման նշան է: Այս մասին Kathimerini-ին տված հարցազրույցում ասել է Eurasia Group-ի ղեկավար Յան Բրեմերը:
«Մենք շրջադարձային պահ ենք ապրում: Թուրքիան հեռվացել է ժողովրդավարությունից, ինչը չի մտահոգել Դոնալդ Թրամփին, սակայն շատ իրական խնդիր է Ջո Բայդենի համար: Դա համապարփակ մտահոգության խնդիր է, բացի Ս-400-երի, Սիրիայում ռազմական գործողությունների խնդրից: Եվ այժմ Հայոց ցեղասպանության ճանաչումը»,-ասել է նա:
Փորձագետը հիշեցրել է, որ ԱՄՆ բոլոր վարչակազմերը Ռոնալդ Ռեյգանի ժամանակներից ի վեր անտեսել է Հայոց ցեղասպանության ճանաչման հարցը՝ չցանկանալով թշնամանալ Անկարայի հետ:
«Բայդենի համար միեւնույն է: Բարաք Օբաման խոստացել էր, ապա հետ կանգնել, ինչը Սամանտա Փաուերն ու Բեն Ռոուդսը մեծ սխալ էին անվանել: Բայդենն ու պետքարտուղար Էնթոնի Բլինքենը խոստացել էին, իսկ փոխնախագահ Քամալա Հարիսը հանդես է եկել որպես Հայոց ցեղասպանության ճանաչման մասին բանաձեւի համահեղինակ: Այժմ Անկարան այլեւս ռազմավարապես կարեւոր դաշանկից չէ, ինչպես նախկինում էր: Եվ Ցեղասպանության ճանաչումն ԱՄՆ-ի եւ Թուրքիայի միջեւ հարաբերությունների ավելի լայն խզման նշան է»,-հավելել է Բրեմերը:
