ԱՄՆ պետքարտուղար Էնթոնի Բլինքենը նշել է ԵԱՀԿ Մինսկի խմբի համանախագահների ջանքերը շարունակելու կարեւորության մասին` Լեռնային Ղարաբաղի հակամարտության կայուն քաղաքական կարգավորում գտնելու համար: Այս մասին նա հայտարարել է Ադրբեջանի նախագահ Իլհամ Ալիեւի հետ զրույցում:
Ինչպես հաղորդում է Պետդեպարտամենտը, Բլինքենն ու Ալիեւը ընդգծել են ԱՄՆ-ի եւ Ադրբեջանի միջեւ երկկողմ գործընկերության կարեւորությունը եւ քննարկել են մի շարք հարցեր:
Պետքարտուղարն ընդգծել է մարդու իրավունքները եւ հիմնարար ազատությունները հարգելու կարեւորությունը: Նա նշել է, որ կարեւոր է շարունակել ԵԱՀԿ Մինսկի խմբի համանախագահների ջանքերը` Լեռնային Ղարաբաղի հակամարտության կայուն քաղաքական կարգավորում գտնելու համար՝ ի շահ տարածաշրջանում ապրող բոլոր մարդկանց: