News
Լրահոս
News
Հինգշաբթի
Մարտ 28
Տեսնել լրահոսը

Այն, ինչ տեղի է ունենում Շուշիում, ոչ այլ ինչ է, քան մշակութային ցեղասպանություն, մշակութային ահաբեկչություն եւ մշակութային նացիզմ: Այս մասին հայտարարեց Արցախի արտգործնախարար Դավիթ Բաբայանը՝ NEWS.am-ի խնդրանքով մեկնաբանելով ադրբեջանցիների կողմից Շուշիի Ղազանչեցոց տաճարի գմբեթները ավերելը։

«Ադրբեջանի իշխանությունները փաստացի այս կերպ փորձում են շատ շոշափելի հարված հասցնել եւ հասցնում են մեր պատմական հիշողությանը, մեր հպարտությանը: Բայց մենք պետք է դիմանանք հարվածին եւ կդիմանանք դրան, որքան էլ դա ծանր ու զզվելի լինի: Պետք է հասկանալ, որ այն, ինչ այժմ կատարվում է Ղազանչեցոցում, կարող է մարտավարական նպատակներ ունենալ: Քանի որ Ադրբեջանն, ըստ էության, ոտնձգություն կատարելով Ղազանչեցոցի դեմ, ոչնչացնելով հրեշտակներին ու խաչերը, հետապնդում է որոշակի նպատակներ: Իմանալով Ադրբեջանը, երկար ժամանակ ուսումնասիրելով այս երկիրը, կարող ենք ասել, որ բացի նացիզմի, ահաբեկչության եւ ցեղասպանության տարրերից, կա նաեւ տակտիկական գործոն: Նա հատուկ է դրա վրա ուշադրություն հրավիրում՝ մի քանի նպատակ հետապնդելով: Առաջինը, ինչպես ասացի, հարված հասցնել մեր ինքնությանը, մեր հպարտությանը, հիշողությանը, ինքնասիրությանը: Երկրորդը՝ իր համար այս կերպ ճանապարհ հարթելն է՝ շեղելով մեր ուշադրությունը նրանից, ինչ նա այժմ անում է գրավյալ տարածքներում: Իսկ գրավյալ տարածքներում ոչնչացվում է Արցախի ողջ մշակութային պատմական ժառանգությունը: Ղազանչեցոցի դեմ ոտնձգության շուրջ աղմուկը փորձում է ուշադրությունը շեղել այլ ստոր արարքներից, բարբարոսությունից եւ վանդալիզմից:

Բացի այդ, բացառված չէ, որ այս կերպ նրանք փորձում են ուշադրությունը շեղել մարդասիրական խնդիրներից, ռազմագերիների, պատանդների եւ այլ խնդիրներից: Մենք որոշակի մտավախություններ ունենք, որ նրանք այնտեղ օրգանների վաճառքով են զբաղվում:

Մենք մեր դիրքորոշումն ու մտահոգությունները հասցրել ենք շատ շրջանակների: Միգուցե Ադրբեջանում զգացել են, որ իրենց հանցագործությունները կարող են հետաքննության առարկա դառնալ, եւ որոշել են իրենք հարձակման գնալ՝ ուշադրությունը շեղելու եւ Ղազանչեցոցի վրա կենտրոնանալու համար: Այս պահվածքը բնորոշ է շատ հանցագործների: Հասկանալով, թե ինչ ազդեցություն կունենա, նրանք գնում են դրան: Նրանք ծաղրում են միջազգային իրավունքը, միջազգային հանրությանը եւ «լուծում են» իրենց հարցերը:

Մենք պետք է գիտակցենք, որ մեր բոլոր հաղթանակներն ու պարտությունները մեզանից են կախված:

Իսկ նրանց ուզում եմ հիշեցնել, որ նա, ով քանդում է Աստծո տունը, երբեք անպատիժ չի մնա: Բայց դա արդեն այլ պատմություն է»,- եզրափակեց Դավիթ Բաբայանը:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Պետքարտուղարությունը բացահայտել է Բլինքենի և Փաշինյանի առաջիկա հանդիպման նպատակները
Ես այս մասին մանրամասն չեմ խոսի, բացի ասեմ, որ Հայաստանի և Ադրբեջանի կառավարությունների հետ...
Արցախից շատ տեղահանվածներ՝ և՛ մեծահասակներ, և՛ երեխաներ, լիովին հյուծված են. BBC
Ըստ ՄԱԿ Փախստականների հարցերով գերագույն հանձնակատարի վարչության ներկայացուցչի, հոգնած...
Արցախի պաշարման հետևանքով ստեղծված իրավիճակում ՆԳՆ ԱԻՊԾ բոլոր ստորաբաժանումներն իրականացնում են ուժեղացված ծառայություն
Սեպտեմբերի 11-ից 18-ն ընկած ժամանակահատվածում, Արցախի Հանրապետության...
Արցախի նախագահը հանդիպել է Հադրութի շրջանից տեղահանված մի խումբ բնակիչների հետ
Արցախի Հանրապետության նախագահ Սամվել Շահրամանյանը սեպտեմբերի 18-ին...
Արայիկ Հարությունյանի եղբայրը նշանակվել է Արցախի պետնախարար
Երկրի ղեկավարի մեկ այլ հրամանագրով՝ փոփոխություն է կատարվել «Արցախի Հանրապետության պետական նախարարի կողմից նախարարների գործունեության համակարգման մասին» նախագահի հրամանագրում...
Դադարել են Արցախի ԱԺ պատգամավոր Արթուր Հարությունյանի լիազորությունները
Արձանագրության հրապարակման պահից հրաժարականը համարվում է ընդունվա…
Ամենաշատ