Այովայի նահանգապետ Քիմ Ռեյնոլդսը հրաման է ստորագրել, որն արգելում է դպրոցներին եւ տեղական վարչախմբերին հաստատել բժշկական դիմակներ կրելու պարտադիր ռեժիմը, հաղորդում է The Hill-ը:
«Այովա նահանգում վերադարձնում են ծնողներին երեխաների կրթական գործընթացի նկատմամբ վերահսկողությունն ու քայլեր ձեռնարկում բոլոր այովացիների՝ իրենց առողջության մասին ինքնուրույն որոշումներ կայացնելու իրավունքը պաշտպանելու համար»,-հայտարարել է քաղաքական գործիչը:
Ռեյնոլդսը հավելել է, որ հպարտ է լինել Այովայի նահանգապետ, որի իշխանությունները գնահատում են անձնական պատասխանատվությունն ու անհատական ազատությունը:
Նշվում է, որ նահանգապետի որոշումը կայացվել է այն ֆոնին, որ Այովայում շարունակվում է SARS-СoV-2 կորոնավիրուսով վարակվելու կտրուկ անկումը: Մայիսի 19-ին նահանգում գրանցվել է վարակման 300 նոր դեպք. ավելի ցածր ցուցանիշներ գրանցվել են միայն 2020 թվականին՝ համավարակի սկզբում: Նահանգի բնակչության 47 տոկոսն արդեն ստացել է կորոնավիրուսի դեմ պատվաստանյութի առնվազն մեկ դեղաչափը: