News
Լրահոս
News
Երկուշաբթի
Օգոստոս 02
Տեսնել լրահոսը


Հայաստանի Հանրապետության նախագահ Արմեն Սարգսյանն այսօր հյուրընկալել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին և նրա գլխավորած պատվիրակությանը:

Նախագահ Սարգսյանը ողջունել է բարեկամ Իրանի արտգործնախարարի այցը և ընդգծել, որ Հայաստանն Իրանին համարում է վստահելի գործընկեր ու բարեկամ հարևան: Նրա խոսքով՝ տարածաշրջանում ստեղծված բարդ իրավիճակի պայմաններում չափազանց կարևոր են դարձել Հայաստանի և Իրանի միջև հարաբերությունների առավել զարգացումն ու խորացումը:

Նախագահ Սարգսյանն անդրադարձել է նաև ադրբեջանական զինուժի կողմից Հայաստանի տարածք ներխուժելու փաստին և սահմանային իրավիճակին՝ նշելով, որ Ադրբեջանն իր սադրիչ գործողություններով նոր սպառնալիք է ստեղծում ողջ տարածաշրջանի համար:

Մոհամմադ Ջավադ Զարիֆը շնորհակալություն հայտնելով ընդունելության համար՝ նախագահ Սարգսյանին է փոխանցել Իրանի Իսլամական Հանրապետության նախագահ Հասան Ռոհանիի ջերմ ողջույնները: Նա նշել է, որ Հայաստանը միշտ էլ Իրանի լավ բարեկամն է եղել, և երկու երկրների ժողովուրդների հարաբերությունները գալիս են դարերի խորքից: Արտգործնախարար Մոհամմադ Զարիֆը շեշտել է, որ Իրանը կողմնակից է տարածաշրջանում խաղաղության հաստատմանն ու կայունության ապահովմանը և պատրաստ է հնարավոր ջանքերը ներդնել այդ ուղղությամբ: Նա միևնույն ժամանակ շեշտել է իր երկրի շահագրգռվածությունը՝ Հայաստանի տարածքային ամբողջականության լիարժեք պահպանման ու ապահովման հարցում՝ նշելով, որ Իրանի Իսլամական Հանրապետությունը կարևորում է հարգանքը միջազգային իրավունքի նորմերի նկատմամբ:

Հանրապետության նախագահն ու Իրանի արտգործնախարարն անդրադարձել են նաև հայ-իրանական երկկողմ օրակարգին: Զրուցակիցները համակարծիք են եղել, որ տարածաշրջանի առջև ծառացած նոր մարտահրավերները պարտադրում են աշխատել երկկողմ քաղաքական և տնտեսական հարաբերությունների օրակարգն ընդլայնելու ուղղությամբ: Նշելով, որ Իրանը և Հայաստանը համագործակցության շատ ավելի մեծ ներուժ ունեն, քան իրականում օգտագործում են, նրանք կարևորել են համատեղ տարբեր ծրագրերի շրջանակում փոխշահավետ համագործակցության շարունակական զարգացումը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Էկոնոմիկայի փոխնարարն ու նախարարի խորհրդականը մեկնում են Իրան. Քննարկելու են համագործակցության ընդլայնման հարցը
Նարեկ Տերյանի և Ռաֆայել Գևորգյանի՝ Իրանի Իսլամական Հանրապետություն գործուղման հետ կապված ծախսերը…
Մեղրիի անցակետում հանդիպել են Հայաստանի և Իրանի մաքսային ծառայության աշխատակիցները. Քննարկել են կուտակումների հարցը
Քննարկվել են ոլորտի արդիականացմանն ուղղված հարցեր...
Երկու երկրների փոխգործակցության խորացումն անխուսափելի է. Իրանի նորընտիր նախագահն ուղերձ է հղել Նիկոլ Փաշինյանին
Բարձր եմ գնահատում Ձեր անկեղծ շնորհավորանքն իմ՝ որպես Իրանի Իսլամական Հանրապետության նախագահ ընտրվելու կապակցությամբ,…
ՀՀ էկոնոմիկայի փոխնախարարի գլխավորած պատվիրակությունը աշխատանքային այցով Իրանի Իսլամական Հանրապետությունում էր
Աշխատանքային խմբի անդամները հաստատել են իրենց պատրաստակամությունը՝ երկու երկրների միջև տնտեսական համագործակցության…
Իրանի փոխնախագահը Քերոբյանին առաջարկել է Հայաստանում բարձր տեխնոլոգիական կենտրոն հիմնել. Եղել են նաև այլ առաջարկներ
Վահան Քերոբյանն ընդունել է Իրանի փոխնախագահ Մեհդի Էլիասիի գլխավորած պատվիրակությանը…
«Պատրաստ ենք միասին նոր շուկաներ գրավել».Վահան Քերոբյանը և Նարեկ Տերյանը մասնակցել են հայ-իրանական գործարար համաժողովին
Համաժողովի ընթացքում հայ և իրանցի գործարարների միջև կազմակերպվել են B2B հանդիպումներ, որոնց ընթացքում քննարկվել են գործարար նոր կապերի ստեղծման...