Աշխարհում խոշորագույն տիեզերական ընկերություններն իրականացնում են ուղեւորություններ դեպի տիեզերք լայն հանրության համար։ SpaceX եւ Blue Origin ընկերությունները սկսել են մրցումներ մարդկանց համար, որոնք ցանկանում են տիեզերք թռնել։ Թեկնածուներից մեկը հույս ունի, որ թռիչքը կհանգեցնի այդ ոլորտում կարիերայի զարգացմանը։ Մյուսները ցանկանում են ստուգել իրենց վճռականությունը, գրում է Business Insider-ը։

Վերջերս հայտարարված SpaceX-ի Inspiration4 առաքելության հաղթողները կդառնան պատմության մեջ առաջին անձնակազմի ներկայացուցիչները, որոնք պրոֆեսիոնալ տիեզերագնացներ չեն լինի եւ կհայտնվեն Երկրի ուղեծրում 2021 թվականի վերջում երեք օրվա ընթացքում։

Մանկության տարիներին քաղցկեղ հաղթահարած Հեյլի Արսենոն անձնակազմի անդամներից մեկն է լինելու։ Նա նշել է, որ առաքելությունը գրավիչ է, քանի որ հնարավորություն է ընձեռում սեփական սահմաններից դուրս գալ։ Insider-ին տված հարցազրույցում նա հայտնել է, որ նրա վիրաբույժ-օրթոպեդն ասել է․ «Տիեզերքում ձեզ համար սահմանափակումներ չեն լինի»։

SpaceX-ի կայքում տեղադրված հայտարարության համաձայն՝ դասընթացներից մի քանիսը ներառում են արտակարգ իրավիճակներին պատրաստություն, սկաֆանդրների ու տիեզերական սարքերի մեջ մտնելու եւ դրանցից դուրս գալու վարժություններ, ինչպես նաեւ առաքելության մասնակի եւ ամբողջական մոդելավորում։

SpaceX-ը պատրաստվում է մեկնարկել սեպտեմբերի 15-ից հետո։ Տիեզերանավը պետք է թռնի Քենեդիի անվան տիեզերական կենտրոնի 39А մեկնարկային համալիրից։