Հայաստանի Կենտրոնական ընտրական հանձնաժողովը հունիսի 10-ին կայացած արտահերթ նիստում անվավեր է ճանաչել Հայաստանի Դեմոկրատական կուսակցության պատգամավորի թեկնածու Տիգրան Արզաքանցյանի գրանցումը:
Արզաքանցյանը, ի դեմս իր լիազոր ներկայացուցիչների, չի կարողացել ապացուցել, որ վերջին չորս տարիներին մշտապես բնակվել է Հայաստանում: Ըստ ԿԸՀ-ի հաշվարկների՝ մինչեւ փաստաթղթերը ԿԸՀ-ին ներկայացնելը, նա 1461 օրվանից 1005-ը բացակայել է Հայաստանից:
Թեկնածուն ԿԸՀ-ին է ներկայացրել Մոսկվայի տեղեկատվական տեխնոլոգիաների համալսարանում ուսման մասին երկու տեղեկանք ՝ հարգելի համարելով իր բացակայությունը Հայաստանից, քանի որ այս դեպքում օրենքը չի սահմանափակում թեկնածու առաջադրվելու իրավունքը: Այնուամենայնիվ, ներկայացված տեղեկանքներում նրա ուսման ժամկետները չեն համընկնել, եւ տարբերությունը կազմել է7 ամիս: Ավելին, դրանցից մեկում նշված չեն եղել համալսարանի ռեկվիզիտները: Ի պատասխան Հայաստանից ուղարկված հարցման՝ ռուսական բուհերից մեկը հայտնել է, որ իրենք նման վկայականներ ընդհանրապես չեն տրամադրում: Համալսարանի ռեկտորը հաստատել է այն փաստը, որ Արզաքանցյանը սովորել է ուսումնական հաստատությունում, սակայն 2011 թվականի սեպտեմբերից մինչեւ 2017 թվականի սեպտեմբերը, որից հետո նրան հեռացրել են պայմանագրային պարտավորությունները չկատարելու համար:
Արդյունքում, ԿԸՀ ղեկավար Տիգրան Մուկուչյանը Արզաքանցյանի ներկայացուցիչներից պարզաբանումներ չի պահանջել երկրորդ տեղեկանքի վերաբերյալ: Փաստաթղթերը ուսումնասիրելուց հետո, Արզաքանցյանի ներկայացուցիչը ԿԸՀ-ին խնդրել է 24 ժամ տրամադրել իրեն` ներկայացված տեղեկանքների հետ կապված տեխնիկական հարցերը պարզելու համար:
«Մենք չենք կարող դանդաղել ժամկետների եւ քվեաթերթիկների հաստատման գործում: Հնարավոր չէ լրացուցիչ ժամանակ տրամադրել թեկնածուին: Ներկայացված փաստաթղթերը բավարար են գնահատելու եւ նրա գրանցումը մերժելու համար», - նշել է Մուկուչյանը:
