Իսրայելի կենտրոնական Նեգեւ անապատում Բոկեր Թախտիտի պեղումների ժամանակ հայտնաբերված արտեֆակտների կրկնակի ուսումնասիրությունները ցույց են տվել, որ մարդիկ հավանաբար գոյակցել են նեանդերտալցիների հետ մոտ 50 000 տարի առաջ, հաղորդում է Jpost-ը:

«Հետազոտության ընթացքում հայտնաբերված տարածքը 50 000 տարեկան է եւ վկայում է այն մասին, որ ժամանակակից մարդը Նեգեւի շրջանում գոյություն է ունեցել նույն ժամանակաշրջանում, ինչ որ նեանդերտալցին»,- ասել է նա: «Կասկած չկա, որ Նեգեւում ապրող եւ թափառող երկու տեսակները իմացել են միմյանց գոյության մասին»: «Մեր հետազոտությունը կարեւոր է եւ հաշվարկի կետ է մարդու էվոլյուցիայի ժամանակացույցի սանդղակում»,- եզրափակել է նա:

Ըստ «վերջին աֆրիկյան ծագման» տեսության՝ Homo sapiens-ը Աֆրիկայում ծագել է 270 000 տարի առաջ եւ տարբեր ժամանակներում ընտրել է կամ դեպի Եվրասիա տանող հյուսիսային ուղին՝ անցնելով Լեւանտի միջով, կամ մի քանի հնարավոր հարավային երթուղիները դեպի Ասիայի հեռավոր անկյուններ եւ նույնիսկ Օվկիանիա՝ ցամաքով մինչեւ Ավստրալիա։