News
Լրահոս
News
Կիրակի
Հուլիս 25
Տեսնել լրահոսը


Ղարաբաղյան երկրորդ պատերազմում թշնամին բազմակի օդային առավելություն ուներ: Զենքի այլ տեսակներով մենք հետ չէինք մնում: Այս մասին Աշոցքի բնակիչների հետ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը:

Քոչարյանը նշեց, որ ապրիլյան պատերազմից հետո եզրակացություններ են արվել: «ՏՈՌ» համակարգերի գնման մեծ ծրագիր կար: Մի մասը հասցրեցին գնել: 2018-ին իշխանափոխությունից հետո ծրագիրը դադարեցվեց, եւ «ՏՈՌ» փոխարեն նրանք գնեցին «ՍՈւ 30 ՍՄ» ինքնաթիռները, ինչպես պարզվեց` առանց հրթիռների, իսկ պատերազմի ընթացքում դրանք մնացին օդանավակայանում: «Սա կոպիտ սխալ էր: Ըստ էության, ծրագրեր եղել են, բայց դրանք փոփոխվել են: Հորդանանից գնեցին հին «Օսա»-ները: Կարծում եմ` մեծ կոռուպցիոն գործարք է եղել: Այդ «Օսա»-ները նոր օդանավեր չեն տեսել, դրանք նախատեսված են ավելի մեծ ինքնաթիռների համար եւ նոր սերնդի ինքնաթիռներ պարզապես չեն տեսել: Այսինքն` դրանք անօգուտ դարձան: Այնպես չէ, որ բանակում չէին հասկանում` ինչ անել: Առաջին դեմքը բանակին սխալ որոշումներ պարտադրեց: Ի՞ նչ է սա: Կոռուպցիա, թե՞ մարդիկ չհասկացան` ինչ են անում: Հիմա դժվարանում եմ գնահատական ​​տալ, բայց հունիսի 20-ից հետո կիմանանք»,- խոստացավ Ռոբերտ Քոչարյանը:

Ինչ վերաբերում է սեփական արտադրության ԱԹՍ-ներին, երկրորդ նախագահը հիշեցրեց, որ զրոյից սկսելն ու անօդաչու թռչող սարքեր մշակելն անարդյունավետ է: Որակյալ ապրանքներ կարելի է արտադրվել լիցենզիա գնելու դեպքում: «Հավանաբար այդպես էլ պետք է: Ադրբեջանը հենց դա արեց», - ասաց նա: Քոչարյանը շարունակեց, որ անօդաչու թռչող սարքերի դեմ պայքարն իրականացվում է էլեկտրոնային պատերազմի միջոցով: «Ջոյստիկներով մի մարդ ազդանշանների միջոցով կառավարում է անօդաչու թռչող սարքերը: Կան սարքեր, որոնք ճնշում են ազդանշանները` խափանումներ ստեղծելով: Կան այնպիսիք, որոնք հնարավոր է գնել ողջամիտ գներով: Թե ինչու չարեցին, չգիտեմ: Ինձ համար անհասկանալի է, թե ինչու ծրագիրը չիրականացվեց: Մեծ զոհողություններ` սխալ որոշումների պատճառով»,- ընդգծեց նախկին նախագահը:

«Ապագայում տանկերը եւս առանց անձնակազմ կլինեն: Ամեն ինչ դրան է տանում: Անհրաժեշտ է ժամանակին համընթաց քայլել, բանակի վերազինումը պետք է ընթանա այս թրենդերով: Արհեստական ​​բանականությունը կարեւոր դեր է ունենալու ապագայի բանակում»,- ասաց Քոչարյանը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վարանդայի շրջանում հայտնաբերվել է ևս 4 աճյուն
Որոնումների առաջիկա ուղղությունների և արդյունքների մասին ԱԻ պետական ծառայությունը կտրամադրի հավելյալ տեղեկություն...
Թուրքական ընկերությունը շինարարական աշխատանքներ կիրականացնի Շուշիում
Նա նշել է, որ շինարարությունը Ադրբեջանի կողմից օկուպացված տարածքներում շարունակվում է արագացված տեմպերով Հորադիզ-Նախիջեւան, Շուշի եւ Աղդամ ուղղություններով:
Բաքվում շարունակում են «դատապարտել» հայ ռազմագերիներին
Այսօր Բաքվում կայացվել է եւս 13 հայ ռազմագերու «դատավճիռ»...
Երեք հարց, որոնցից խուսափել հնարավոր չէ. Վահե Հովհաննիսյան
Հիմա նոր ԱԺ-ն կընտրի հին վարչապետ՝ մեկին, ով երկիրը բերեց փլուզումների։Պարզապես հիմա դա կարվի ա´յլ ընդդիմության...
Կարևոր է քայլեր ձեռնարկել՝ հակամարտությունների գոտիներում բնակվողներին պատվաստանյութով ապահովելու համար.Արմեն Գրիգորյան
ԱԳ նախարարի պարտականությունները կատարող Արմեն Գրիգորյանի ելույթ է ունեցել ՄԱԿ-ի տնտեսական և սոցիալական խորհրդի հովանու ներքո անցկացվող...
Ադրբեջանը Հայաստանի հետ սահմանին ռազմական նշանակության 700 կմ ճանապարհ կանցկացնի. Ալիեւ
Ադրբեջանը Քելբաջարում եւ Լաչինում ռազմական նշանակության ճանապարհներ է անցկացնում...