News
Լրահոս
News
Երեքշաբթի
Օգոստոս 03
Տեսնել լրահոսը

Մեծ Բրիտանիայի կառավարությունն աջակցել է լեռնաարդյունաբերական ընկերությանը, որը պետք է շահույթ ստանար Հայաստանի եւ Ադրբեջանի միջեւ վերջին պատերազմից, գրում է openDemocracy-ն: 

«Բաքվում Մեծ Բրիտանիայի դեսպանատունն օգնություն է առաջարկել Anglo Asian Mining-ին այն բանից հետո, երբ դիվանագետներն իմացել են, որ ընկերությունը մտադիր է հասանելիություն ստանալ Լեռնային Ղարաբաղի տարածքում եւ այլ հարակից շրջաններում օգտակար հանածոների արդյունահանման կոնցեսիաներին:

Ադրբեջանում Մեծ Բրիտանիայի դեսպան Ջեյմս Շարփը հանդիպել է Anglo Asian-ի հետ հակամարտության թեժ շրջանում: Հանդիպումից հետո Anglo Asian-ը նրան էլեկտրոնային նամակ է ուղարկել, որում տեղեկություն է պարունակվում Լեռնային Ղարաբաղում եւ հարակից տարածքներում ոսկու հանքավայրերի մասին:

Ավելի ուշ դեսպանատան ներկայացուցիչներն առաջարկել են հարցը բարձրացնել Ադրբեջանի պետական լեռնաարդյունաբերական ընկերության հետ հանդիպման ժամանակ:

Anglo Asian-ի եւ դեսպանատան միջեւ բարեկամական հարաբերությունների պատմության մասին հայտնի է դարձել էլեկտրոնային նամակագրությունից հետո: Բրիտանական կառավարությունը խմբագրել է դրանք՝ հրաժարվելով բացահայտել դրանց լրիվ բովանդակությունը, քանի որ այդպիսով վնաս կհասցվեր ոչ միայն ընկերությանը, այլ նաեւ Ադրբեջանի, Հայաստանի եւ Մեծ Բրիտանիայի միջազգային հարաբերություններին:    

«Մեծ Բրիտանիան բազմիցս հայտարարել է, որ Լեռնային Ղարաբաղի հակամարտությունը վերջնական դադարեցնելու նպատակով սատարում է ԵԱՀԿ Մինսկի խմբին: Ողջ տարածաշրջանում բարեկեցության մակարդակի բարձրացումը հակամարտության կայուն կարգավորման կարեւոր մասն է»,-ասվում է արտաքին գործերի նախարարության հայտարարության մեջ:

2020 թվականի նոյեմբերին ՄԱԿ-ի մարդու իրավունքների գերագույն հանձնակատարը զգուշացրել է հնարավոր ռազմական հանցանքների մասին եւ նոր հաղորդագրություններ են ստացվել կոշտ վերաբերմունքի մասին, ներառյալ՝ Հայաստանի խաղաղ բնակիչների արտադատական մահապատիժ, գերեվարում: Բաքվում կան հայ ռազմագերիներ, եւ նրանք անմարդկային վերաբերմունքի են արժանանում:

«Մեծ Բրիտանիայի կառավարությունը չկարողացավ ապացուցել, որ գլոբալ առեւտրին ձգտումը կարող է հակասել մարդու իրավունքների պաշտպանության հարցով իր պարտավորություններին»,-ասում է բիզնեսի եւ մարդու իրավունքների հարցերով ռեսուրսային կենտրոնի մենեջեր Թոմ Ուիլսը:     

openDemocracy-ին Anglo Asian-ում նշել են, որ Մեծ Բրիտանիայի դեսպանատունը որեւէ աջակցություն չի ցուցաբերում՝ բացի սովորական դեսպանատան պարտավորություններից:

Իր կայքում եւ տարբեր գովազդային նյութերում Anglo Asian-ը պնդում է, որ Ադրբեջանը «քաղաքականապես կայուն դեմոկրատիա է մարդու իրավունքների ոլորտում լավ համբավով»:

Ադրբեջանի ոսկու արդյունահանման ոլորտը հետապնդվում է քավոր-սանահերության մեջ մեղադրանքներով: 2012 թվականին ադրբեջանցի լրագրողները հայտնել են, որ երկրի կառավորությունը ոսկու հանքերում մասնաբաժինը տվել է նախագահ Իլհամ Ալիեւի դուստրերին:

Հակամարտության սրման ֆոնին Բաքվում Մեծ Բրիտանիայի դեսպանատունը թարմացրել է շփումները Anglo Asian Mining-ի հետ, որը փորձում էր հանգստացնել ներդրողներին՝ կապված օպերացիաների վրա պատերազմի ազդեցության առնչությամբ նրանց մտահոգությունների հետ:

Դեսպանատան խնդրանքով հոկտեմբերի 14-ին Anglo Asian ընկերությունը պաշտոնական անձանց թարմացված տեղեկություն է հրապարակել: Էլեկտրոնային նամակում, որի մեծ մասը խմբագրվել է, Anglo Asian-ը խնդրել է հանդիպել դեսպանատան աշխատակցի կամ դեսպան Շարփի հետ:

Զանգելանում (Կովսական) գտնվում է ոսկու հանքավայր, որտեղ Anglo Asian-ն ունի բացառիկ իրավունքի հետախուզության եւ մշակման համար, եւ որն ավելի վաղ պատկանում էր Շվեյցարիայից հայ գործարարին:   

Հոկտեմբերի 27-ին Anglo Asian-ը իր ներդրողների համար թարմացված տեղեկություն է հրապարակել Ադրբեջանի կողմից Զանգելանի «ազատագրման» մասին՝ հավելելով, որ այդ հատվածի զարգացման հարցով բանակցություններ է վարում Ադրբեջանի կառավարության հետ:

Երկու օր անց Շարփը հանդիպել է Anglo Asian-ի հետ:

Ընկերությունը openDemocracy-ին հայտնել է նաեւ, որ «կարճաժամկետ» այց է կատարել Զանգելան, սակայն այժմ հասանելիություն չունի Լեռնային Ղարաբաղում եւ Քելբաջարում (Քարվաճառ) հանքերի նկատմամբ:

Նոյեմբերի 10-ին Հայաստանն ու Ադրբեջանը վերջին հաշվով հրադադարի մասին համաձայնագիր ստորագրեցին Ռուսաստանի միջնորդությամբ:Քանի որ մի քանի շաբաթ անց Ադրբեջանի՝ հրադադարը պահպանելու հարցով կասկածներ առաջացան, նոյեմբերի 26-ին սոցցանցերում կադրեր տարածվեցին, որոնցում երեւում է, որ ադրբեջանական զորքերը կենտրոնացած են Սոթքում:

Կադրերի հայտնվելուց հետո Anglo Asian-ը Մեծ Բրիտանիայի դեսպանին թարմացված տեղեկություն է ուղարկել իր գործունեության մասին: Էլեկտրոնային նամակը կրկին խմբագրվել է: 

Նոյեմբերյան զինադադարից հետո Հայաստանի եւ Ադրբեջանի միջեւ պետական ​​նոր սահմանների գծանշման շուրջ վեճերը հիմնականում մնացին չլուծված: 2021-ի մայիսին Ադրբեջանի ներխուժումը Հայաստանի տարածք ռազմական առճակատման պատճառ դարձավ, որի արդյունքում ԵԱՀԿ Մինսկի խմբի` Ֆրանսիայի եւ ԱՄՆ-ի համանախագահները կոչ արեցին ադրբեջանական զորքերը դուրս բերել: Հետագայում տեղի ունեցած միջադեպերը վերջերս են գրանցվել Ադրբեջանի կողմից վերահսկվող Քելբաջարի շրջանի եւ Հայաստանի սահմանին:

Anglo Asian-ի թարմացումը Սոթքի սահմանի հարցով ընկերության դեսպանի ուղարկած «Anglo Asian եւ հնարավորությունների երկիր» վերնագրով էլ. նամակի մաս էր կազմում: Նամակների շղթան գրեթե ամբողջությամբ խմբագրվել է միջազգային հարաբերությունների համատեքստում: Դեսպանի երկար նամակի միայն երկու տող էր բացահայտվել: «Կարծում եմ ՝ հիանալի կլիներ, եթե Anglo Asian-ն աջակցեր ինձ… Աավելի մանրամասն տեղեկատվություն կփոխանցեմ»:

Երկու օր անց Anglo Asian-ը համաձայնեց հովանավորել թագուհու ամենամյա ֆլագմանային ծննդյան միջոցառումն դեսպանատանը, որը տեղի ունեցավ այս շաբաթ, չնայած անհասկանալի է` արդյոք դա կապված էր դեսպանի Anglo Asian նամակի հետ, ասել է openDemocracy-ին ասել է, որ տարիներ շարունակ հովանավորել է միջոցառումը:

1997 թվականին Anglo Asian-ը գործարքի մեջ է մտել Ադրբեջանի կառավարության հետ` արեւմտյան Ադրբեջանում եւ Հայաստանի կողմից վերահսկվող այլ վիճելի տարածքներում հանքային ռեսուրսների յուրացման համար: Պայմանագրի հիմքում ընկած էին 1990-ականներին Ադրբեջանում նավթային բումի ընթացքում օտարերկրյա ընկերությունների հետ կնքված պայմանագրերը:

«Այն ժամանակ դա դիտվում էր որպես ամերիկյան ներդրում»,- ասում է Ադրբեջանում ԱՄՆ նախկին դեսպան Ռիչարդ Կաուսլարիչը (1994-1997), որը մասնակցում էր ստորագրման արարողությանը, որի ժամանակ Նախագահ Հեյդար Ալիեւը` ներկայիս նախագահի հայրը, ողջունեց համաձայնագիրը Anglo Asian-ի հետ` որպես կարեւոր իրադարձություն ԱՄՆ-ի եւ Ադրբեջանի տնտեսական հարաբերությունների մեջ: Գործարքը ստորագրած ընկերությունը գրանցված էր ԱՄՆ Դելավեր նահանգում: «ԱՄՆ արտաքին քաղաքականության տեսակետից լավ գաղափար էր թվում ավելի շատ ներդրումներ ներգրավել Ադրբեջան էներգետիկ ոլորտից դուրս»,- շարունակել է Կաուզլարիչը:

Գործարքը մասամբ կնքված էր Նյու Հեմփշիրի նախկին նահանգապետ Ջոն Սունունուի եւ Նախագահ  Ջորջ Բուշի աշխատակազմի ղեկավար  Ջոն Սունունուի ջանքերի շնորհիվ` ԱՄՆ-ի լավ կապերով շատ քաղաքական գործիչներից մեկը, ով Ադրբեջան է եկել ներդրումների հնարավորություններ որոնելու համար: Սունունուն շարունակում է մնալ Anglo Asian-ի հիմնական բաժնետերը:

Նա գործընկերական հարաբերություններ է հաստատել իրանական ծագմամբ գործարար Ռեզա Վազիրիի հետ, որն այդ ժամանակ փոխըմբռնման հուշագիր ուներ Ադրբեջանի կառավարության հետ: Վազիրին ամերիկ-ադրբեջանական առեւտրային պալատի համանախագահն էր, որը լոբբիստական ​​գործունեություն է իրականացնում Ադրբեջանի առեւտրային շահերի համար Վաշինգտոնում: Նա այժմ Anglo Asian-ի գլխավոր գործադիր տնօրենն ու խոշոր բաժնետերն է:

Ընկերության մեկ այլ գործադիր տնօրեն Ռեզա Վազիրին նկարագրել է որպես Նախագահ Իլհամ Ալիեւի «անձնական ընկերը»: Վազիրիի մուտքը Ադրբեջանի իշխող էլիտային բացահայտվել էր էլ. նամակներում, որոնք հրապարակվել էին 2016-ին:

2021-ի հունվարին Բաքվում Բրիտանիայի դեսպանության ներկայացուցիչները հանդիպեցին Ադրբեջանի պետական ​​AzerGold լեռնահանքային ընկերության ներկայացուցիչների հետ` քննարկելու բրիտանական ընկերությունների հետ համագործակցության հնարավոր ուղիները:

Այդ հանդիպումից առաջ դեսպանատան ներկայացուցիչը նամակ էր գրել Anglo Asian-ին` ընկերության անունից խնդրելով լուռ բարձրաձայնել AzerGold-ի հետ կապված խնդիրներ կամ հարցերը: Անգլիայի Ասիայի դեսպանատանն ուղարկած պատասխանը խմբագրվել է միջազգային հարաբերությունների պատճառներով:

Պետական վիճակագրության համաձայն` Մեծ Բրիտանիան շարունակում է մնալ ամենամեծ ներդրողն Ադրբեջանում: Բրիտանիայի կապերը Ադրբեջանի հետ հիմնված են բրիտանական անդրազգային ընկերությունների ներգրավման վրա, ինչպիսին են BP-ն, երկրի գերակշռող նավթագազային հատվածում:
Անցյալ ամիս Նախագահ Ալիեւը բաքվում ընդունեց Բրիտանիայի արտահանման քարտուղար Գրեմ Ստյուարտին: Հանդիպմանը Ալիեւն ասել էր, որ բրիտանական ֆիրմաներն «առաջին արտասահմանյան ընկերություններից են, ովքեր մեզ հետ աշխատել են ազատագրված տարածքները վերակառուցելու համար»:

Eurasianet-ը հայտնել է, որ Ադրբեջանը բազմամիլիոնանոց պայմանագիր է կնքել բրիտանացի ճարտարապետ Chapman Taylor-ի հետ` Շուշի քաղաքի վերակառուցման գլխավոր հատակագիծը մշակելու համար, որը նախկինում գտնվում էր Հայաստանի վերահսկողության տակ:
Միացյալ Թագավորության կառավարությունը վերջերս թարմացրել էր Ադրբեջանում իր արտասահմանյան բիզնեսի ռիսկերի պաշտոնական ուղեցույցը` ներառելով դրանում տեղեկատվությունը «նոր ազատագրված տարածքների» «հսկայական ներուժի» մասին այնպիսի ոլորտներում, ինչպիսիք են վերականգնվող էներգիան, գյուղատնտեսությունը, զբոսաշրջությունը եւ հանքարդյունաբերությունը:

«Կառավարությունն իր գործն է անում` բանակցություններ է վարում նոր առեւտրային գործարքների հետ, համագործակցում է առեւտրի համաշխարհային կազմակերպության հետ եւ գումարներ է ծախսում արտասահմանում բրիտանական բիզնեսի շահերի խթանման համար, դրան շտապ ռազմավարություն է անհրաժեշտ, որը պարզ կդարձնի, որ մարդու իրավունքներն ավելի կարեւոր են, քան բրիտանական կորպորացիաների շահույթով,- ասել է Թոմ Ուիլսը Բիզնեսի եւ մարդու իրավունքների ռեսուրսային կենտրոնից»:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հակառակորդի կրակոցներից վնասված ավտոմեքենայի դեպքով քրեական գործ է հարցվել․ ՔԿ
Դեպքի առթիվ ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 34-104-րդ…
Ռուս խաղաղապահները փորձարկել են արդիական մարտավարություն Լեռնային Ղարաբաղի վարժադաշտում
Ռուս խաղաղապահները «Ստեփանակերտ» վարժադաշտում ժամանակակից մարտավարություն կկիրառեն...
Իշխանությունն առաջնորդվում է սկզբունքներով, որոնք չեն կարող բերել հուսալիություն և անվտանգություն․ Տիգրան Աբրահամյան
Ցավով եմ արձանագրում, որ առաջնահերթությունները, որոնք կան մեր երկրի համար․․․
Ստեղծված իրավիճակում, եթե նույնիսկ դադար լինի, չի կարող մեզ համար երկարաժամկետ խաղաղություն ապահովել․ Տիգրան Աբրահամյան
Լարվածության ռիսկերը բավական բարձր են․․․
Հայ ռազմագերիների հարազատները հավաքվել են ԱԺ-ի մոտ. նրանք պահանջում են օրակարգ մտցնել գերիների վերադարձի հարցը
Պատգամավորներ են եղել, որ գիշեր և ցերեկ աշխատել են այս հարցով, եղել են պատգամավորներ, որոնք բոլորովին անտեղյակ են եղել...
Վարանդայի շրջանում հայտնաբերվել և տարհանվել է ևս 4 զինծառայողի աճյուն
Նրանց ինքնությունը կհաստատվի դատաբժշկական փորձաքննությունից հետո...