Ուկրաինայի, Վրաստանի եւ Մոլդովայի նախագահները հաստատել են ԵՄ լիիրավ անդամ դառնալու ձգտումը, հաղորդում է «Նովոստի Գրուզիա»-ն:
«Մենք հաստատում ենք մեր աներերուն ձգտումը՝ դառնալ Եվրամիության լիիրավ անդամ, ամրապնդել մեր դեմոկրատական ինստիտուտներն ու աստիճանաբար մոտենալ ԵՄ իրավունքի առանցքային տարրերին»,-ասվում է փաստաթղթում:
«ԵՄ անդամակցությունը նպատակ է, որը միավորում է մեր երեք պետություններին: Եվրոպական ինտեգրացիան չունի այլընտրանք, եւ ոչ մի երրորդ կողմ չի կարող ազդել մեր ինքնիշխան ընտրության վրա»,-նշվում է փաստաթղթում:
Երեք երկրները պատրաստակամություն են հայտնել նաեւ համագործակցել ԵՄ հետ անվտանգության եւ պաշտպանության ընդհանուր քաղաքականության ոլորտում, աջակցել սեւծովյան տարածաշրջանում կայունությանն ու բարգավաճմանը, մնալ հակված տնտեսական եւ ճյուղային ինտեգրմանը, հատկապես՝ տրանսպորտի, էներգետիկայի, թվային բարեփոխումների, կանաչ տնտեսության, արդարադատության եւ ներքին գործերի, ռազմավարական հաղորդակցության եւ առողջապահության ոլորտներում:
