ԱՄՆ Կոլորադո նահանգում, որտեղ ժանտախտ է մոլեգնում, 10-ամյա աղջիկը մահացել է բարդությունների պատճառով, հայտնում է WGN9 հեռուստաալիքը:
Կոլորադոյի Առողջապահության եւ շրջակա միջավայրի դեպարտամենտը հայտնում է, որ նահանգի վեց գավառներում լաբորատոր հաստատված հաղորդումներ կան կենդանիների եւ լվերի շրջանում ժանտախտի մասին:
Վարչությունը նշել է, որ ժանտախտի պատճառ են հանդիսանում մանրէները, որոնք կարող են մարդուն փոխանցվել վարակված լվերի խայթոցից կամ վարակված կենդանիների հետ անմիջական շփման միջոցով:
Վարակի վաղ հայտնաբերման դեպքում ժանտախտը բուժվում է ինչպես մարդկանց, այնպես էլ ընտանի կենդանիների մոտ: Ախտանիշները ներառում են բարձր ջերմության հանկարծակի առաջացումը եւ (կամ) ավշային հանգույցների մեծացումը: